قۋاندىق بيشىمباەۆتى تاعى ءبىر سوت كۇتىپ تۇرعانى ايتىلدى

فوتو: جوعارى سوت

ادۆوكات ەرلان عازىمجانوۆ 24 جىلعا باس بوستاندىعىنان ايىرىلعان قۋاندىق بيشىمباەۆتى تاعى ءبىر سوت تالقىلاۋى كۇتىپ تۇرعانىن مالىمدەدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

گازىمجانوۆتىڭايتۋىنشا, الداعى سوت تالقىلاۋى اليمەنت كەلىسىمىنىڭ وزگەرۋىنە بايلانىستى بولماق.

«بۇل كەلىسىم قۋاندىق بوستاندىقتا بولىپ, بيزنەسپەن اينالىسقان جانە تابىس كوزى بولعان كەزدە جاسالعان. ارينە, ول كەزدە بالالارعا اليمەنتتىڭ شامادان تىس مولشەرى تاعايىندالدى. قازىر جاعداي وزگەردى ول جۇمىس ىستەمەيدى جانە بۇل اليمەنتتى اتا-اناسىنا تولەۋگە تۋرا كەلدى. سونداي-اق قۋاندىقتا قانداي دا ءبىر جيناق بولدى, سول جەردەن دە قاراجات الىندى», — دەدى ول.

ادۆوكاتتىڭ ايتۋىنشا, بيشىمباەۆ كولونيادا جۇمىس ىستەمەيدى. ويتكەنى بوس ورىندار از. ال اليمەنت كەلىسىمىنىڭ شارتتارىن ادۆوكات قۇپيا  ەكەنىن جەتكىزدى.

سونداي — اق, ادۆوكاتتىڭ ايتۋىنشا, مارقۇم سالتانات نۇكەنوۆانىڭ اعاسى ايتبەك امانگەلدىمەن تاعى ءبىر سوت تالقىلاۋى بولۋى مۇمكىن.

«تاعى ءبىر سوت تالقىلاۋى بولادى. سالتانات نۇكەنوۆانىڭ اعاسى جوعارعى سوتقا مورالدىق زالالدىڭ مولشەرىن ۇلعايتۋ تۋرالى شەشىمگە كونستيتۋتسيالىق شاعىم ءتۇسىردى. شاعىم جوعارعى سوتتا, ءىس تىركەلگەن. بىراق ونىڭ كونستيتۋتسيالىق سوتقا بەرىلەتىنى ءالى بەلگىسىز. جالپى, ول 1,5 ميلليارد تەڭگە سۇرادى. ءبىرىنشى ساتىداعى سوت 10 ميلليون ءوندىرىپ الدى. بۇل اقشا تولەندى. بىراق ول 1,5 ميلليارد تالاپ ەتۋدى جالعاستىرۋدا. اپەللياتسيا شەشىمدى وزگەرىسسىز قالدىردى», — دەدى ەرلان عازىمجانوۆ.