Qýandyq Bıshimbaevtyń sotyna BAQ ókilderi nege tikeleı qatyspady

Burynǵy Ulttyq ekonomıka mınıstri Qýandyq Bıshimbaevqa qatysty istiń aldyn ala tyńdalymyna BAQ ókilderi men basqa da adamdar úshin shekteý qoıyldy degen tujyrym shyndyqqa janaspaıdy. Bul aqparatty Astana qalasynyń soty taratty.

«Aldyn ala tyńdalym ashyq rejımde ótti. Zańnama talaptaryna sáıkes, sot proeske qatysýshylardyń (sottalýshylardyń, jábirlenýshilerdiń, olardyń qorǵaýshylarynyń, prokýrordyń) otyrysqa qatysýyn qamtamasyz etýge mindetti. Otyrys ótetin zalǵa qatysýǵa nıet bildirgen barlyq qatysýshy syımady. Sol sebepti, proeske qatysýshylardyń kóptigin eskere otyryp, qosymsha taǵy 2 zal (BAQ ókilderi jáne basqa da qatysýshylar úshin) qarastyryldy», — delingen habarlamada.

Aqparatta aıtylǵandaı, zaldarda qajetti jabdyq ornatylyp, otyrys tikeleı efırde kórsetildi.

Sondaı-aq, elorda sotynan aqparatty jedel alýǵa múmkindiktiń jasalǵany aıtyldy.

Aıta keteıik, búgin Astanada Qýandyq Bıshimbaevtyń isi boıynsha aldyn ala tyńdaý bastaldy.

Sot zalyna jýrnalıster tikeleı qatysa almady, BAQ ókilderi úshin bólek zalda tikeleı kórsetilim uıymdastyryldy. Eks-sheneýniktiń isine qatysty aldyn ala tyńdaýǵa 80-ge jýyq BAQ ókili qatysty.

Atalǵan istiń sýdıasy Aıjan Qulbaevanyń sheshimimen aldyn ala tyńdaýdyń jalǵasy 12 naýryz saǵat 17:00-ge belgilendi.