Qýat Hamıtov: Asý Almabaevqa fýtbolshylarǵa bólinip jatqan mıllıardtardy berińder

Foto: instagram.com/kuat__khamitov

Belgili MMA jaýyngeri Qýat Hamıtov UFC promoýsheninde baq synap júrgen faıter Asý Almabaevqa qoldaý kerek ekenin ashyp aıtty, dep habarlaıdy Skifnews.kz aqparat portaly.

Asý Almabaev UFC-diń eń jeńil salmaq dárejesi boıynsha túzilgen reıtıngte úzdik 15 faıterdiń qataryna endi. Asý bul álemdik promoýshende úsh ret jekpe-jek ótkizip, barlyǵynda jeńiske jetti.

«Jigitke fýtbolshylarǵa bólinip jatqan mıllıardtardy berińder! Bizdiń jigitter eshqandaı qoldaýsyz bıik belesterdi baǵyndyryp júr!», — dep pikir qaldyrdy Qýat Hamıtov Instagram jelisindegi kzsports paraqshasynda jarııalanǵan habarlamaǵa.

Asý Almabaev UFC-degi debıýtin 2023 jyldyń tamyzynda jasady. Birinshi jekpe-jeginde qazaqstandyq faıter amerıkalyq Odı Osbornmen (12-7) kezdesip, jeńiske jetti.