Qýat Hamıtov «bolashaq jary» týraly aıtty

kollaj: turkystan.kz
Qazaqstandyq tanymal aralas jekpe-jek sheberi Qýat Hamıtov (Naıman) áleýmettik jelidegi paraqshasynda jeke ómirine qatysty oıymen bólisti,-dep habarlaıdy Qandastar.kz. 

Ol sońǵy kezderi úılený týraly jıi oılanyp júrgenin aıtyp, bolashaq jaryn hıdjabtaǵy qyzdardyń arasynan kórgisi keletinin jasyrmady.

«Sońǵy ýaqytta úılený týraly oılap júrmin. Úmit hıdjabtaǵy arýlarda. Ondaı oramaldy qyzdardy burynnan unatyp kelemin», – dedi sportshy.

Sportshy budan bólek, óziniń ómir salty men ustanymdary týraly da jazba qaldyrdy. Ol densaýlyqqa zııandy eshqandaı ádetke boı aldyrmaǵanyn, ómir boıy eńbek etip, bárine adal jolmen jetkenin aıtty.

«Alkogol, temeki, nasybaı, kalıan degendi aýzyma alyp kórgen emespin. Eshqashan áıelge qol kóterip, balaǵattaǵan emespin. Dıplomymdy óz eńbegimmen aldym, oqý oqyp júrip te jumys istep, sportpen shuǵyldandym. Qazirgi jetistigim – mańdaı terimniń arqasy. 40-qa jýyq kásibı jekpe-jek ótkizdim», – dep jazdy ol.

Qýat Hamıtovtyń bul jazbasy jeli qoldanýshylary arasynda qyzý talqyǵa túsip, ártúrli pikirler týdyryp jatyr.