«قۇدالار سىرعا سالادى»: تۇرسىنبەك قاباتوۆتىڭ قىزدارىنا قاتىستى جاڭالىق تارادى

بەلگىلى ازىلكەش تۇرسىنبەك قاباتوۆ قىزدارىنا قانداي تىيىم سالعانى بەلگىلى بولدى, دەپ حابارلايدى Qandastar.kz.

قاباتوۆ قىزدارىنىڭ قۇلاعىن تەك سىرعا سالۋ راسىمىندە عانا تەستىرۋگە رۇقسات بەرەتىنىن ايتقان. بۇل تۋرالى تانىمال ازىلكەشتىڭ قىزدارى دينارا ساتجانعا بەرگەن سۇحباتىندا ايتتى.

«قۇدالار كەلىپ وزدەرى سىرعا سالادى. بۇل ءداستۇر قازاقتا بار ما, جوق پا بىلمەيمىز. تۇرسىنبەك بابامىز شىعارعان», دەپ ويىن ايتتى ءمولدىر مۇقانوۆا.

ونىڭ بۇل شەشىمىنە قىزدارى دا قارسى ەمەس – ءبارى اكەلەرىنىڭ ءسوزىن قۇرمەتتەپ, بۇگىنگە دەيىن قۇلاق تەسپەي جۇرگەن كورىنەدى.

الايدا, جەلى قولدانۋشىلارى مۇنداي تىيىمدى داستۇرىمىزدە جوق ەكەنىن ايتتى, ءتۇرلى قارسى پىكىر جازۋدا.

«تۇرسىنبەك قىزىق ەكەن قايدان تاپقان ونداي ىرىمدى, «پاپالارىڭا اقىل ايتاتىن ادام كەرەك ەكەن», ودان دا كەۋدەنى جابۋدى ۇيرەتسىن», دەپ جازعان وقىرماندار.