«Qudalardan uıat bolady»: Túrkistan oblysynda 55 jastaǵy áıel toı jasaý úshin esirtki qoıyp ketýshi bolyp jumys istegen

Foto: skrın

Belgili dokýmentalıst Rınat Balǵabaev  «Sol» fılmi qalaı túsirilgenin aıtyp berdi. Onyń aıtýynsha, fılmde buryn esirtki bıznesine qatysy bolǵan áıeldiń oqıǵasy negiz bolǵan. Bul týraly  qandastar.kz Stan.kz aqparat agenttigine silteme jasap habarlaıdy.

Rınat Balǵabaev suhbat barysynda Túrkistan oblysynyń 55 jastaǵy týmasynyń oqıǵasyn aıtyp berdi.

«Áıelge toı jasaýǵa 300 myń teńge kerek bolǵan. Sol ýaqytta ózi jumystan shyǵyp, al ápkesiniń qyzy turmysqa ketýge daıyndalyp jatqan. Áıel sol kezde mıkrokredıt uıymynan nesıe alyp, qaryzǵa belshesinen batqan. Qaryzyn jabý úshin jáne toıǵa berý úshin jumys izdegen. Amaly taýsylǵan ol 300 myń teńge tabý úshin esirtki qoıyp ketýshi bolyp jumys isteýge sheshim qabyldaǵan. OLX-te habarlandyrýdy taýyp, kýrer bolyp jumysqa ketken. Biraq osy arada ol 200 myń teńge ǵana tapqan. Tabys tappaı jatyp, keıin ustalady», – dedi Rınat Balǵabaev.

Esirtkini tasymaldaý menedjerleri áıeldi eki aı boıy úıretken.

«Birinshi aıda onlaın, telegramm arqyly úıretip, 2GIS jelisin qalaı qoldanýdy kórsetken. Áıel bastapqyda vıdeoǵa túspeýge sheshim qabyldaǵan. О́ıtkeni osylaı aqsha tapqany týraly qudalary kórse, uıat bolady dep oılady. Oǵan «Siz osy 300 myń teńge úshin 10 jyl boıy sottalyp ketesiz dep oılamaǵansyz ba? Bul qorqynyshty ǵoı?» dep aıttym Ol meniń suraǵyma jaýap berip, «Bilmeımin, qalaı sizderde, bizde ońtústikte jaǵdaı basqa. Uıat bolady. Eger men aqshalaı kómektespesem uıat bolady. Sebebi ol kezinde maǵan da kómektesken» dep ápkesi týraly aıtyp berdi», – dedi dokýmentalıst.

Eske salaıyq, buǵan deıin Shyǵys Qazaqstan oblysynda esirtkini onlaın satyp kelgen er adamnan 20 mıllıon teńge tárkilengenin jazdyq. Polıııa departamentiniń dereginshe, О́skemen qalasynyń 32 jastaǵy turǵyny ustaldy. Ol ózi ósirgen marıhýana men gashıshti satý úshin tanymal messendjerlerdiń birinde veb-saıt pen paraqsha qurǵan. Esirtki satylymyn jasyryn oryndar arqyly júzege asyrǵan. Tólemdi alǵannan keıin kúdikti taýardy aldyn ala kelisilgen oryndarǵa qaldyrǵan. Onyń jer úıin tintý barysynda polıeıler esirtkiniń ártúrli túrlerin ósirýge arnalǵan zerthanany anyqtady.