«قۋدالاۋعا ۇشىرادىم»: استانا اكىمدىگى قىزمەتكەرلەرىنە قىسىم كورسەتەتىنى راس پا?

الەۋمەتتىك جەلىدە ءوزىن استانا اكىمدىگى «جانۇيا» وتباسى ينستيتۋىن قولداۋ ورتىلىعى كوممۋنالدىق مەملەكەتتىك مەكەمەسىندە جۇمىس ىستەيتىنىن ايتىپ, تانىستىرعان ايەل باسشىلىق تاراپىنان قىسىم كورىپ جاتقانىن ايتىپ, ۆيدەوۇندەۋ جاريالاعان, دەپ حابارلايدى qandastar.kz

«استانا قالاسى اكىمى مەن ەڭبەك جانە الەۋمەتتىك قورعاۋ ءمينيسترى سۆەتلانان جاقىپوۆاعا ۇندەۋ

مەن اليەۆا جۇلدىزاي ايانقىزى استانا اكىمدىگى «جانۇيا» وتباسى ينستيتۋىن قولداۋ ورتىلىعى كوممۋنالدىق مەملەكەتتىك مەكەمەسىندە جۇمىس ىستەيمىن. مەن قازىرگى ۋاقىتتا باسشىلىق تاراپىنان قىسىم كورىپ جاتىرمىن. قىسىم كورۋىمنىڭ سەبەبى — ءبىزدىڭ مەكەمەدە 30-عا جۋىق ادام جۇمىستا تىركەلگەن, بىراق ولار ناقتى قىزمەتتە جوق «جاندار». ولار ديرەكتوردىڭ تۋىستارى, ەسەپشىنىڭ قۇربىسى, ديرەكتوردىڭ ورىنباسارىنىڭ كۇيەۋى جانە سونداي وزىنە جاقىن ادامداردى زاڭسىز تىركەپ قويعان. سونداي-اق, مانساپ ورتالىعى دا وسىنداي ءبىر-ەكى ادامدى نەگىزسىز تىركەپ قويعان. مەن وسى جاعدايلاردى ءبىلىپ قويعاننان كەيىن قۋدالاۋعا ۇشىرادىم», — دەيدى كەلىنشەك.

Skifnews.kz اقپارات پورتالى جازعانداي,  بۇل ىسكە اكىم مەن مينيستر قانداي ارەكەت جاسارى ازىرگە بەلگىسىز.