«Qýdalaýǵa ushyradym»: Astana ákimdigi qyzmetkerlerine qysym kórsetetini ras pa?

Áleýmettik jelide ózin Astana ákimdigi «Januıa» otbasy ınstıtýyn qoldaý ortylyǵy kommýnaldyq memlekettik mekemesinde jumys isteıtinin aıtyp, tanystyrǵan áıel basshylyq tarapynan qysym kórip jatqanyn aıtyp, vıdeoúndeý jarııalaǵan, dep habarlaıdy qandastar.kz

«Astana qalasy ákimi men Eńbek jáne áleýmettik qorǵaý mınıstri Svetlanan Jaqypovaǵa úndeý

Men Alıeva Juldyzaı Aıanqyzy Astana ákimdigi «Januıa» otbasy ınstıtýyn qoldaý ortylyǵy kommýnaldyq memlekettik mekemesinde jumys isteımin. Men qazirgi ýaqytta basshylyq tarapynan qysym kórip jatyrmyn. Qysym kórýimniń sebebi — bizdiń mekemede 30-ǵa jýyq adam jumysta tirkelgen, biraq olar naqty qyzmette joq «jandar». Olar dırektordyń týystary, esepshiniń qurbysy, dırektordyń orynbasarynyń kúıeýi jáne sondaı ózine jaqyn adamdardy zańsyz tirkep qoıǵan. Sondaı-aq, Mansap ortalyǵy da osyndaı bir-eki adamdy negizsiz tirkep qoıǵan. Men osy jaǵdaılardy bilip qoıǵannan keıin qýdalaýǵa ushyradym», — deıdi kelinshek.

Skifnews.kz aqparat portaly jazǵandaı,  bul iske ákim men mınıstr qandaı áreket jasary ázirge belgisiz.