كۇدىكتى ءبىر كۇن بۇرىن يزولياتوردان شىققان: الماتىدا قىلمىسكەر 11 جاسار قىزدى زورلاعان

فوتو: اشىق دەرەككوز

الماتىدا 11 جاسار قىزدى زورلادى دەگەن كۇدىكتى ۋاقىتشا ۇستاۋ يزولياتورىنا قامالدى. زارداپ شەككەن بالانىڭ اناسىنىڭ ايتۋىنشا, ماس ەر ادام تاپا-تال تۇستە ۇيگە كىرىپ, قىزدى قورلاعان. قىلمىس جاساعاننان كەيىن كۇدىكتى وقۋشى قىزعا قوقان-لوقى كورسەتىپ, قورقىتا باستاعان. بۇل تۋرالى qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

11 جاسار قىزدىڭ اناسى ەكى كۇننەن بەرى ءوزىن قويارعا جەر تاپپاي ءجۇر. اناسى رەداكتسياعا 8 قازان كۇنى تاڭەرتەڭ 10:00 شاماسىندا بەلگىسىز ەر ادام ونىڭ قىزىن زورلاعانىن ايتتى.

قازىر 6-سىنىپ وقۋشىسى باستان كەشىرگەن قورلىقتان كەيىن كۇيزەلىسكە ءتۇسىپ, جابىلىپ قالعان.

جابىرلەنۋشى قىزدىڭ اناسىنىڭ سوزىنشە, ءبارى جۇمىسقا كەتكەندە بولعان. مەكتەپتە وقيتىن ۇلكەن قىزى دا, وزدەرى دە ۇيدە بولماعان. اناسىنىڭ ايتۋىنشا, كۇدىكتى كيىمىن شەشىپ, مەكتەپ وقۋشىسىن تۇنشىقتىرىپ, بالاعاتتاپ, كەيىن «وتباسىڭا بىردەڭە ايتساڭ, ونى ولتىرەمىن» دەپ قورقىتا باستاعان.

ايەل اجىراسقان, ەكى قىزىن جالعىز تاربيەلەپ وتىر. ول ۋاقىتشا باسپانانىڭ ءبىر بولمەسىن 70 مىڭ تەڭگەگە جالعا الادى. بۇل وتباسى ەكى اپتا بۇرىن كوشىپ كەلگەن.

«جاڭادان كوشىپ كەلگەندىكتەن ەسىكتىڭ قۇلپىن اۋىستىرىپ ۇلگەرمەدىك. ول قىزىم ۇيىقتاپ جاتقاندا ەسىكتى اشىپ كىرىپ, ىشىنەن ق ۇلىپتاپ العان. مىنا ەسىك قاتتى جابىلاتىندىقتان قىزىم ىشكە الدەكىمنىڭ كىرگەنىن ەستىمەي قالعان. ەسىكتى قاتتى تارتىپ اشقان كەزدە ول شوشىپ ويانىپ كەتكەن. ول تۇسكى اۋىسىمدا وقيدى. ەر ادام قىزىمدى تاماعىنان قىلعىندىرىپ اكەلىپ, قابىرعاعا قاراي تاقاعان. «اعاتاي ماعان تيىسپەڭىزشى» دەپ وتىنسە دە, جىبەرمەي ۇستاعان. قىزىم كومەك سۇراعاسى كەلىپ, تەرەزەگە جاقىنداي بەرگەندە جەلكەسىنەن ۇستاپ, جەرگە قۇلاتقان. «اعا ولتىرەيىن دەپ جاتسىز با?» دەپ ايعايلاعان. جارتى ساعات بويى شىڭعىرىپ, ارپالىسقان. ەر ادام وعان «سەنى قۇمارىم قانعانشا ….. ىستەپ الايىنشى» دەپ ايتقان. قىزىمدى شەشىندىرىپ, قالاعانىن جاساعان. ءتىپتى, قىزىمنىڭ ەسىندە ەركەك قانداي شالبار, جەيدە كيگەنى قالعان», – دەدى جابىرلەنۋشىنىڭ اناسى.

ەر ادام سوڭىندا ەسىكتىڭ الدىنا وتىرىپ, اسىقپاي اياقكيىمىن كيگەن. ارتىنشا قىزعا «جانىم, التىنىم, جاقسى قىز ەكەنسىڭ, ەشقانداي رەنىش بولماسىن» دەپ, قولىنان سۇيگەن.

«وسى كەزدە قىزىم سىرتقا شىققىسى كەلگەنىن ايتقان. ەر ادام مۇنىمەن قويماي «قايدا باراسىڭ, مەن دە سەنىمەن بىرگە بارامىن» دەپ مەكتەپكە دەيىن ارتىنان ىلەسىپ قالماي قويعان. قىزىم سول مەكتەپ ماڭىندا وتىرعان ەرەسەك قىزعا بارىپ «مەنىڭ قۇربىم بولا تۇرىڭىزشى» دەپ ءوتىنىش جاساعان. مۇنى كورگەن ەر ادام كەيىن كەتىپ قالعان ەكەن. وسى مەزەتتە قىزىم ماعان حابارلاسىپ, جاعدايدىڭ قالاي بولعانىن بايانداپ بەردى», – دەدى قىزدىڭ اناسى.

جابىرلەنۋشىنىڭ اناسى قىلمىسكەردى جەكە تانىمايتىنىن ايتتى.

بۇرىنعى اكەسىنىڭ ايتۋىنشا, وقيعا ورنىنا پوليتسيا كەلگەن. قىزى جابىرلەگەن ادامدى بىردەن تانىپ, سۋرەتىن كورسەتكەن. پوليتسيا بۇل كۇدىكتىنىڭ ءبىر كۇن بۇرىن يزولياتوردان شىققانىن ايتقان.

ايتا كەتەيىك, 36 جاستاعى ەر ادام جەتىسۋ وبلىسىنىڭ تۋماسى. جۇمىسسىز, تۇراقتى تۇرعىلىقتى جەرى جوق, ءجيى ىشىمدىك ىشەدى. پوليتسيا دەرەۋ ىزدەۋ جۇمىستارىنا كىرىسىپ, ارتىن سۋىتپاي ۇستاعان.

«ونىڭ باسقا بىرەۋدىڭ ۇيىنە ەركىن كىرۋ مۇمكىندىگىن پايدالانىپ كىرگەنى انىقتالدى: ەسىك ق ۇلىپتالماعان. قىز ۇيدە جالعىز بولعان, سوندىقتان وعان قارسى تۇرا المادى. جەدەل ىزدەستىرۋ توبى جولداندى, ولار تاركىلەنىپ, العاشقى جەدەل ىزدەستىرۋ شارالارىن جۇرگىزىپ, وقيعا ورنىن تەكسەرىپ, ءتيىستى ساراپتاما تاعايىندادى», – دەدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.

قازىر كۇدىكتى ۋاقىتشا ۇستاۋ يزولياتورىنا قامالدى. پوليتسيا كامەلەتكە تولماعان بالانى زورلاۋ فاكتىسى بويىنشا قىلمىستىق ءىس قوزعادى. ءتارتىپ ساقشىلارى سوت-مەديتسينالىق ساراپتاما تاعايىندادى. ەگەر پەدوفيل كىنالى دەپ تانىلسا, ول ءومىر بويىنا باس بوستاندىعىنان ايىرىلۋى مۇمكىن.