Kúdikti bir kún buryn ızolıatordan shyqqan: Almatyda qylmysker 11 jasar qyzdy zorlaǵan

Foto: ashyq derekkóz

Almatyda 11 jasar qyzdy zorlady degen kúdikti ýaqytsha ustaý ızolıatoryna qamaldy. Zardap shekken balanyń anasynyń aıtýynsha, mas er adam tapa-tal túste úıge kirip, qyzdy qorlaǵan. Qylmys jasaǵannan keıin kúdikti oqýshy qyzǵa qoqan-loqy kórsetip, qorqyta bastaǵan. Bul týraly qandastar.kz  Stan.kz aqparat agenttigine silteme jasap habarlaıdy.

11 jasar qyzdyń anasy eki kúnnen beri ózin qoıarǵa jer tappaı júr. Anasy redakııaǵa 8 qazan kúni tańerteń 10:00 shamasynda belgisiz er adam onyń qyzyn zorlaǵanyn aıtty.

Qazir 6-synyp oqýshysy bastan keshirgen qorlyqtan keıin kúızeliske túsip, jabylyp qalǵan.

Jábirlenýshi qyzdyń anasynyń sózinshe, bári jumysqa ketkende bolǵan. Mektepte oqıtyn úlken qyzy da, ózderi de úıde bolmaǵan. Anasynyń aıtýynsha, kúdikti kıimin sheship, mektep oqýshysyn tunshyqtyryp, balaǵattap, keıin «otbasyńa birdeńe aıtsań, ony óltiremin» dep qorqyta bastaǵan.

Áıel ajyrasqan, eki qyzyn jalǵyz tárbıelep otyr. Ol ýaqytsha baspananyń bir bólmesin 70 myń teńgege jalǵa alady. Bul otbasy eki apta buryn kóship kelgen.

«Jańadan kóship kelgendikten esiktiń qulpyn aýystyryp úlgermedik. Ol qyzym uıyqtap jatqanda esikti ashyp kirip, ishinen qulyptap alǵan. Myna esik qatty jabylatyndyqtan qyzym ishke áldekimniń kirgenin estimeı qalǵan. Esikti qatty tartyp ashqan kezde ol shoshyp oıanyp ketken. Ol túski aýysymda oqıdy. Er adam qyzymdy tamaǵynan qylǵyndyryp ákelip, qabyrǵaǵa qaraı taqaǵan. «Aǵataı maǵan tıispeńizshi» dep ótinse de, jibermeı ustaǵan. Qyzym kómek suraǵasy kelip, terezege jaqyndaı bergende jelkesinen ustap, jerge qulatqan. «Aǵa óltireıin dep jatsyz ba?» dep aıǵaılaǵan. Jarty saǵat boıy shyńǵyryp, arpalysqan. Er adam oǵan «Seni qumarym qanǵansha ….. istep alaıynshy» dep aıtqan. Qyzymdy sheshindirip, qalaǵanyn jasaǵan. Tipti, qyzymnyń esinde erkek qandaı shalbar, jeıde kıgeni qalǵan», – dedi jábirlenýshiniń anasy.

Er adam sońynda esiktiń aldyna otyryp, asyqpaı aıaqkıimin kıgen. Artynsha qyzǵa «janym, altynym, jaqsy qyz ekensiń, eshqandaı renish bolmasyn» dep, qolynan súıgen.

«Osy kezde qyzym syrtqa shyqqysy kelgenin aıtqan. Er adam munymen qoımaı «qaıda barasyń, men de senimen birge baramyn» dep mektepke deıin artynan ilesip qalmaı qoıǵan. Qyzym sol mektep mańynda otyrǵan eresek qyzǵa baryp «meniń qurbym bola turyńyzshy» dep ótinish jasaǵan. Muny kórgen er adam keıin ketip qalǵan eken. Osy mezette qyzym maǵan habarlasyp, jaǵdaıdyń qalaı bolǵanyn baıandap berdi», – dedi qyzdyń anasy.

Jábirlenýshiniń anasy qylmyskerdi jeke tanymaıtynyn aıtty.

Burynǵy ákesiniń aıtýynsha, oqıǵa ornyna polıııa kelgen. Qyzy jábirlegen adamdy birden tanyp, sýretin kórsetken. Polıııa bul kúdiktiniń bir kún buryn ızolıatordan shyqqanyn aıtqan.

Aıta keteıik, 36 jastaǵy er adam Jetisý oblysynyń týmasy. Jumyssyz, turaqty turǵylyqty jeri joq, jıi ishimdik ishedi. Polıııa dereý izdeý jumystaryna kirisip, artyn sýytpaı ustaǵan.

«Onyń basqa bireýdiń úıine erkin kirý múmkindigin paıdalanyp kirgeni anyqtaldy: esik qulyptalmaǵan. Qyz úıde jalǵyz bolǵan, sondyqtan oǵan qarsy tura almady. Jedel izdestirý toby joldandy, olar tárkilenip, alǵashqy jedel izdestirý sharalaryn júrgizip, oqıǵa ornyn tekserip, tıisti saraptama taǵaıyndady», – dedi Almaty qalalyq polıııa departamentiniń resmı ókili Saltanat Ázirbek.

Qazir kúdikti ýaqytsha ustaý ızolıatoryna qamaldy. Polıııa kámeletke tolmaǵan balany zorlaý faktisi boıynsha qylmystyq is qozǵady. Tártip saqshylary sot-medıınalyq saraptama taǵaıyndady. Eger pedofıl kináli dep tanylsa, ol ómir boıyna bas bostandyǵynan aıyrylýy múmkin.