«Kúdikti prokýrordyń uly». Belgili jýrnalıst Berdenovke jasalǵan shabýylǵa baılanysty pikir bildirdi

Foto: saıasat.kz

Shymkentte Rýslan Berdenovke jasalǵan qarýly shabýyl qoǵamda úlken rezonans týdyrdy. Jýrnalıst Botagóz Omarovanyń aıtýynsha, kúdikti Ernar Jıenbaı – burynǵy prokýrordyń uly ári «Turǵyn úı Shymkent» JShS-niń basshysy, dep habarlaıdy qandastar.kz Dalanews.kz-ke silteme jasap. 

Onyń sózinshe, bul kompanııa qalada kópqabatty turǵyn úılerdi kúrdeli jóndeýden ótkizýge bólingen 3,4 mıllıard teńgeni tendersiz ıgergen.

«Rýslan Berdenovke oq atqan Ernar Jıenbaı kezdeısoq tulǵa emes. Ol – prokýrorlar otbasynda dúnıege kelip, keıin «Turǵyn úı Shymkent» JShS-niń basshysy atanǵan. Eń bastysy bul kompanııa tender ótkizbesten-aq mıllıardtaǵan qarjyny ıemdengen», — deıdi ol.

Jýrnalıstiń aıtýynsha, 2024–2026 jyldarǵa arnalǵan jóndeý baǵdarlamasy aıasynda «Turǵyn úı Shymkent» kompanııasyna memlekettik satyp alý rásiminsiz 3,4 mlrd teńge bólingen. Alaıda josparlanǵan 22 úıdiń tek 10-ynda ǵana jóndeý jumystary júrgizilgen. Qalǵan qarajattyń qaıda jumsalǵany týraly naqty esep berilmegen.

Jýrnalısttiń aıtýynsha, oqıǵaǵa deıingi on kún buryn qala ákimdiginde ótken jıynda Ernar Jıenbaıdan jumys esebi talap etilgen.

«Sol kezdesýde Berdenov qarajattyń naqty qaıda jumsalǵanyn suraǵan. Jıenbaı jaýap bere almaı, ashýǵa býlyqqan. Keıin ony zaldan shyǵaryp jibergen», – deıdi Omarova.

Tergeý organdary bul isti qyzǵanyshtan týǵan qylmys emes, múmkin bolatyn qarjylaı zańbuzýshylyqty jasyrý áreketi retinde qarastyryp jatyr. Omarova bul nusqamen kelisetinin aıtty.

«Qyzǵanysh degen – tek jazany jeńildetý úshin oılap tabylǵan sebep. Mundaı jaǵdaıda shartty túrde bosap shyǵý da yqtımal. Al endi «asa iri kólemdegi qarjy jymqyrý» babymen sottalsa, jaza tym aýyr, 12 jyldan bastalady jáne shartty túrde bosap shyǵýǵa múmkindik joq. Sol sebepti Jıenbaı qazir barlyq tásilmen Rýslan Berdenovti qaralaýǵa tyrysyp jatyr. Tipti arandatý men jala jabýǵa deıin baryp jatqany baıqalady. Biraq qalaı bolǵanda da, bul iske baılanysty taǵylǵan aıyp – óte aýyr. Endi barlyǵy sottyń ádildigine baılanysty. Degenmen, shynaıy sot tóreligin kútýge sebep az.

Birinshiden, Shymkenttegi zańsyzdyqtar men ádiletsizdikter týraly el arasynda aıtylyp júrgen áńgime az emes. Ekinshiden, Ernar Jıenbaı — burynǵy prokýrordyń balasy. Al «burynǵy prokýror» degen uǵym bul júıede jaı ǵana ataq emes…», — deıdi ol.

Buǵan deıingi jaǵdaı

Eske salaıyq, buǵan deıin Rýslan Berdenov sotqa kelýge mindettelgeni habarlandy. Sot otyrysynda sýdıa Ábinur Qarabaev Rýslan Berdenovti 6 tamyzǵa josparlanǵan negizgi sot proesine mindetti túrde qatysýǵa shaqyrdy.