«كۇدىكتىلەر ىزدەستىرىلىپ جاتىر». الماتىداعى «مياتا» لاۋنج-باردا اتىس بولدى

فوتو: اشىش دەرەككوز

اتىس سەنبى كۇنى الماتىداعى جاندوسوۆ پەن گاگارين كوشەلەرىنىڭ قيىلىسىنداعى “مياتا” لاۋندج بارىندا بولعان. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

مالىمەتتەرگە سەنسەك, وقيعا ورنىنا پوليتسيا, جەدەل جاردەم, سوت-مەديتسينالىق ساراپشىلار كەلدى.

وتكەن-كەتكەندەردىڭ ايتۋىنشا, توبەلەس بولىپ, اتىس بولعان. قالالىق پوليتسيا دەپارتامەنتىنىڭ ءباسپاسوز قىزمەتى بوستاندىق اۋداندىق پوليتسيا ءبولىمى اتالعان فاكتى بويىنشا قىلمىستىق ءىس قوزعاعانىن حابارلادى.

«الدىن الا مالىمەت بويىنشا كۇدىكتىلەردى ۇستاۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر», – دەپ حابارلادى ءباسپاسوز قىزمەتى.

وقيعانىڭ باسقا مالىمەتتەرى ازىرگە ايتىلعان جوق.
ەسكە سالايىق, بۇعان دەيىن 22 تامىزدا الەۋمەتتىك جەلىدە تۇركىستان وبلىسىنىڭقارابۇلاق اۋىلىندا «شەتەلدىكتەر اراسىندا ۇلكەن اتىس بولدى» دەگەن اقپارات تاراعانىن جازدىق. تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى شەتەلدىكتەر اراسىنداعى اتىس بولعانى تۋرالى اقپاراتتى جوققا شىعاردى.