«Kúdiktiniń aıaǵy aýyr áıeli men úsh qyzy bar»: Túrkistan oblysyndaǵy anasy men qyzy jaýyzdyqpen óltirilgen aýylda turǵyndar bas kóterdi

Foto: vıdeodan skrınshot

Túrkistan oblysy, Keles aýdanynda anasy men qyzy aıýandyqpen óltirilgen aýyl turǵyndary kúdiktiniń týystarynyń aımaqtan ketýin talap etip, bas kóterdi. Bul týraly qandastar.kz Stan.kz aqparat agenttigine silteme jasap habarlaıdy.

Turǵyndarmen qosa aýyl ákiminen bastap, tártip saqshylary 30 jastaǵy er adamnyń úıine barǵan. Kúdiktiniń jaqyndary «aýyldan kóshińder» degen turǵyndar talabyna úsh apta ýaqyt berýdi suraǵan.

«Marqumnyń jaqyndary da, kúdiktiniń týystary da osy aıadaı aýylda turady. Erteli-kesh bir-birin kórýi múmkin. Er azamattar arasynda kek alý maqsatynda qantógis bolmasyna kepildik joq. Sondyqtan qamaýdaǵy adamnyń jaqyndary bul aýyldan kóshsin dep talap ettik», – dedi marqumnyń týystary.

Aqyrynda kúdiktiniń otbasy úsh apta ishinde aýyldan kóship ketýge ýáde bergen.

Odan bólek azappen ajal qushqan Zarıpa Narymbetova men Nurıla Toǵanbaıdyń jaqyndary polıeıden qysym kórdik dep arasha surap jatyr. Marqum 45 jastaǵy kelinshektiń artynda qalǵan qos qyzyn aýdandyq polıııa bastyǵy shaqyryp alyp, aqparat jarııalaǵany úshin aıyppul salyp nemese qamaýǵa alatynyn aıtyp, qorqytqan.

«Keles aýdandyq polıııa basqarmasynyń bastyǵy óz kabınetine kirgizip, sizder nege áleýmettik jaǵdaılarǵa aqparat taratasyńdar? Búkil jazǵan, shyǵarǵan sózderińizdiń bárin óshirińizder. О́shirmeseńizder sizderge 600 myń teńge aıyppul salamyn. Bolmasa 15 táýlikke qamaýǵa da quqyǵym bar dep qysym kórsetken», – deıdi Erjan Baıbolatov.