كۇيەۋ بالاسىنان جۇكتى بولعان ەنە: كۇللى جۇرتتى شوشىتقان سۇمدىق جاعداي جايلى تىڭ دەرەك شىقتى

فوتو: ru.haberler.com

تۇركيادا كۇللى جۇرتتى ءدۇر سىلكىندىرگەن 21 جاستاعى جۇما دوعا مەن 47 جاستاعى ەسرا ەرولدىڭ وقيعاسىنا قاتىستى سوڭعى جاعدايلار بەلگىلى بولدى, دەپ جازادى Qandastar.kz اقپاراتتىق پورتالى haberler.com پورتالىنا سىلتەپ. 

تۇرىك باق-تارى كۇيەۋ بالا مەن ەنەنىڭ تىيىم سالىنعان ماحابباتى تۋرالى بۇعان دەيىن حابارلاعان. 47 جاستاعى ەنە مەن 21 جاستاعى جۋمانىڭ قارىم-قاتىناسى, جۇكتىلىكپەن اياقتالعانى انىقتالعان.

مۇگەدەكتىگى بار ديلەك شاحين «ەسرا ەرول» باعدارلاماسىنا شىعىپ, كۇيەۋى مەن اناسىنان بىرگە قاشىپ كەتكەنىن مالىمدەيدى. كەيىن 21 جاستاعى جۋمانىڭ 47 جاستاعى ەنەسىمەن تىيىم سالىنعان قارىم-قاتىناستا بولعانى, گۇلدانانىڭ ول قارىم-قاتىناستان جۇكتى بولعانى بەلگىلى بولادى.

ديلەك شاحينمەن قۇدا تۇسكەن سوڭ, جۋما دوگان ەنەسى گۇلدانا ءشاحيننىڭ ۇيىنە ءجيى بارىپ, ەنەسىمەن جاقىنداسا باستاعان.

باعدارلاماعا قاتىسقان ديلەك جۋمانى اناسىمەن بىرگە كورگەنىن ايتىپ, ەگەر بۇل تۋرالى اكەسىنە ايتسا, ولار ونى ولتىرەمىز دەپ قورقىتقانىن جەتكىزدى.

مۇگەدەكتىگى بار جاس قىز اناسى گۇلدانانىڭ جۋمانى اكەسى تۋران شاحينمەن قاتىسقان باعدارلاما بارىسىندا الىپ كەتكەنىن ايتتى. سونىمەن قاتار, گۇلدانانىڭ جۋمادان ءۇش ايلىق جۇكتى ەكەنى دە بەلگىلى بولعان ەدى.

«ەسرا ەرول» باعدارلاماسىندا ەل نازارىنداعى ەنە مەن كۇيەۋ بالا تىكەلەي ەفيردە قاماۋعا الىندى. جۋما دوگان مەن گۇلدانا شاحينگە «قاساقانا زيان كەلتىرۋ جانە قورقىتۋ» باپتارى بويىنشا ءىس قوزعالدى.

سونىمەن قاتار, جۋمانىڭ اسكەري قىزمەتتەن جالتارعانى بەلگىلى بولدى. ەكەۋى دە سوتقا جەتكىزىلىپ, قاماۋعا الىندى.

سوتتان شىققان سوڭ جۋرناليستەردىڭ: «وكىنەسىز بە?» دەگەن سۇراعىنا جۋما: «جوق», – دەپ جاۋاپ بەرگەن.

ەسرا ەرول ەفيردە ەنە مەن كۇيەۋ بالانىڭ سوتتاعى ارەكەتتەرى تۋرالى ايتتى. ونىڭ مالىمەتىنشە, گۇلدانا مەن جۋما پوليتسيا مەن پروكۋراتۋرادا ىستەرى قارالىپ جاتقاندا, قول ۇستاسىپ بىرگە كۇتكەن.