كۇيەۋ جىگىت قالىڭدىعىن كورىپ, توي ۇستىندە ەسىنەن تانىپ قالدى

برازيليادا ءبىر جىگىت قالىڭدىعىن سالتاناتتى تۇردە نەكە قيۋ ۇستەلىنە قاراي كەلە جاتقان ءساتىن كورىپ, كەنەتتەن ەسىنەن تانىپ قالعان, دەپ حابارلايدى Qandastar.kz اقپارات پورتالى New York Post-قا سىلتەمە جاساپ. 

25 جاستاعى مەكتەپ مۇعالىمى گۋستاۆو شميتتس نەكە قيۋ ۇستەلىنىڭ الدىندا قالىڭدىعىن اسىعا كۇتىپ تۇرعان.

ول ىشكە ەنگەندە, بۇرىنعىسىنان دا ادەمى كورىندى. سول ساتتە دەنەمنەن ءال كەتىپ, بويىمدى السىزدىك بيلەدى, — دەپ ەسكە الادى ول.

قىز بەن 200 قوناقتىڭ كوز الدىندا ول ەسىنەن تانىپ, العا قاراي قۇلاي باستايدى.

كۇيەۋ جىگىتكە كومەكتەسۋگە ونىڭ دوستارى مەن جانىندا تۇرعان ءدىني قىزمەتكەر دەرەۋ ۇمتىلعان. ءدىني قىزمەتكەر ونىڭ جەڭىنەن ۇستاپ ۇلگەرىپ, قۇلاپ كەتۋىنەن امان الىپ قالعان.

سودان كەيىن مەنىڭ دوسىم ەدۋاردو – دارىگەر, تەز جۇگىرىپ كەلىپ, تامىرىمدى تەكسەردى. ول پاستورمەن (پروتەستانت شىركەۋىنىڭ شىركەۋشىسى – رەداكتسيا ەسكەرتۋى) بىرگە العاشقى كومەك كورسەتتى, — دەيدى شميتتس.

ۆيدەودا كۇيەۋ جىگىتتىڭ ارتقا قاراي قۇلاپ بارا جاتقان ءساتى تۇسىرىلگەن – ءدال 90-جىلدارداعى كومەديا فيلمدەرىندەگى كورىنىستەي. پاستور مەن قوناقتار بىردەن وعان كومەككە ۇمتىلادى.

شميتتس ءتىپتى كەيبىر جينالعان شۆەيتسارلارعا (توي ۇيىمداستىرۋشىلارىنا) «دەنەم شىمىرلاپ تۇر» دەپ ايتقان, بىراق ولار بۇعان سەنبەگەن. سەبەبى ول بۇرىننان قالجىڭعا جاقىن ادام رەتىندە تانىلعان ەكەن.