Күйеу жігіт қалыңдығын көріп, той үстінде есінен танып қалды

Бразилияда бір жігіт қалыңдығын салтанатты түрде неке қию үстеліне қарай келе жатқан сәтін көріп, кенеттен есінен танып қалған, деп хабарлайды Qandastar.kz ақпарат порталы New York Post-қа сілтеме жасап. 

25 жастағы мектеп мұғалімі Густаво Шмитц неке қию үстелінің алдында қалыңдығын асыға күтіп тұрған.

Ол ішке енгенде, бұрынғысынан да әдемі көрінді. Сол сәтте денемнен әл кетіп, бойымды әлсіздік биледі, — деп еске алады ол.

Қыз бен 200 қонақтың көз алдында ол есінен танып, алға қарай құлай бастайды.

Күйеу жігітке көмектесуге оның достары мен жанында тұрған діни қызметкер дереу ұмтылған. Діни қызметкер оның жеңінен ұстап үлгеріп, құлап кетуінен аман алып қалған.

Содан кейін менің досым Эдуардо – дәрігер, тез жүгіріп келіп, тамырымды тексерді. Ол пастормен (протестант шіркеуінің шіркеушісі – редакция ескертуі) бірге алғашқы көмек көрсетті, — дейді Шмитц.

Видеода күйеу жігіттің артқа қарай құлап бара жатқан сәті түсірілген – дәл 90-жылдардағы комедия фильмдеріндегі көріністей. Пастор мен қонақтар бірден оған көмекке ұмтылады.

Шмитц тіпті кейбір жиналған швейцарларға (той ұйымдастырушыларына) «денем шымырлап тұр» деп айтқан, бірақ олар бұған сенбеген. Себебі ол бұрыннан қалжыңға жақын адам ретінде танылған екен.