«كۇيەۋى 10 رەت پىشاق سۇققان»: الماتىدا ءال-بەينە زاريپوۆانىڭ ءولىمى بويىنشا سوت وتىرىسى باستالدى

فوتو: اشىق دەرەككوز

الماتى سوتىندا ءال-بەينە زاريپوۆانىڭ ولىمىنە قاتىستى اتىشۋلى ءىس بويىنشا الدىن الا تىڭدالىم ءوتتى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

سوت وتىرىسىندا پروكۋرور ايىپتاۋ قورىتىندىسىن وقىدى. ونىڭ ايتۋىنشا, 31 قاڭتاردا تۇنگى ساعات 3:30 شاماسىندا سابىرجان زاريپوۆ الماتى اۋەجايىندا دۋبايدان ۇشىپ كەلگەن ايەلىن كۇتىپ الىپ, ونى ۇيىنە اپارعان.

ء«ۇيدىڭ ەكىنشى قاباتىندا ەرلى-زايىپتى جىنىستىق قاتىناسقا تۇسكەن, سودان كەيىن زاريپوۆ ايەلىنەن دۋبايدا بولعان كەزدە ونىڭ قوڭىراۋلارىنا نەلىكتەن جاۋاپ بەرمەگەنىن سۇراي باستادى. ايەل دۋبايدا باسقا جىگىت تاپقانىن, ال ونىمەن اجىراسقىسى كەلەتىنىن ايتقان. كامەلەتكە تولماعان قىزى ەكىنشى قاباتتا ۇيىقتاپ جاتقاندىقتان, سويلەسۋ ءۇشىن قازاندىقتار ورنالاسقان جەرتولەگە ءتۇسىپ كەتكەن. زاريپوۆ ايەلىنەن “ۇيالمايسىڭ با?” دەگەن, ايەلى جاۋاپ قاتۋدىڭ ورنىنا ك ۇلىمسىرەپ قويعان”, – دەدى پروكۋرور.

وسىدان كەيىن ەر ادام ايەلىنە بىرنەشە جەردەن پىشاق سۇققان.

«كەۋدە تۇسىنا پىشاق سۇققاننان كەيىن ايەل جەرگە قۇلاعان, سودان كەيىن زاريپوۆ ونىڭ دەنەسىنەن پىشاعىن شىعارماي, جوعارى قاباتقا كوتەرىلىپ كەتكەن. ءارى قاراي قامالاتىنىن ءبىلىپ, قىزىن اپكەسىنىڭ ۇيىنە اپارعان. ال ونى باعۋعا اقشا بەرۋ ءۇشىن ايەلىنىڭ تەلەفونىنان اقشا اۋدارعان. قىزىن وياتىپ, اپكەسىنە بارىپ, ونىڭ اتىنا اشىلعان بانك كارتاسىن بەرەدى», — دەلىنگەن ايىپتاۋ قۇجاتىندا.

زاريپوۆ ايەلىنىڭ تەلەفونىن پايدالانىپ, ول ەسەپشى بولىپ جۇمىس ىستەگەن جشس-ءنىڭ بانكتىك شوتىنان ءوز شوتىنا 4 ميلليون 700 مىڭ تەڭگە اۋدارعان.

ءال-بەينەنىڭ اناسى اتالعان جايتتاردىڭ كوپشىلىگى وتىرىك دەپ وتىر. سوزىنشە, “كوزگە ءشوپ سالۋ” وقيعاسىن, جىنىستىق قاتىناسقا ەرىكتى قوسىلعاندارىن سوتتالۋشى ويدان شىعارىپ العان.

ايىپتار جاريالانعاننان كەيىن سوتتالۋشىنىڭ ادۆوكاتى سۋدياعا ءىستى قوسىمشا تەرگەۋگە جىبەرۋدى سۇرادى. سەبەبى ءىس بويىنشا سوت-پسيحولوگيالىق-پسيحياتريالىق ساراپتامانىڭ قاراما-قايشى ەكى قورىتىندىسى بار. ءبىر تۇجىرىمدا كىسى ءولتىرۋ اففەكت كۇيىندە جاسالعانى كورسەتىلسە, ەكىنشى ساراپتاما اففەكت بەلگىلەرى جوق دەگەن قورىتىندىعا كەلگەن.

سۋديا بۇل سوت تالقىلاۋىندا ناقتىلاناتىنىن ايتىپ, قورعاۋشىنىڭ ءوتىنىشىن قاناعاتتاندىرۋدان باس تارتتى.

سوتتالۋشى ءوز ءىسىن كاسىبي سۋدياعا تاپسىراتىنىن ايتىپ, القابيلەردەن باس تارتتى.

ەسكە سالساق, بۇعان دەيىن الماتىدا ەر ادام ايەلىن 10 رەت پىشاقتاپ, بەس ميلليون تەڭگەسىن ۇرلاپ, جەرتولەگە تاستاپ كەتتى دەپ ايىپتالعانىن جازدىق. جابىرلەنۋشىنىڭ جاقىندارى كۇدىكتىنىڭ جازادان وڭاي قۇتىلىپ كەتۋىنەن قورقىپ, رەزونانس تۋدىرعىسى كەلەدى.