جاڭالىقتار
«كۇيەۋى مەن ەنەسى قورلىق كورسەتكەن»: 6-قاباتتان بەلگىسىز جاعدايدا قۇلاپ مەرت بولعان قىزدىڭ جاقىندارى شىندىقتى ايتتى
فوتو: ZTB
نەبارى 21 جاسىندا زورلىقتىڭ قۇربانى بولعان اجار تاۋەكەلقىزى ۆيزاجيست بولعان. ول ءانشى-بيشىلەردىڭ بەتىن ارلەپ, وتباسىن اسىراعان, دەپ حابارلايدى qandastar.kz
sn.kz جازعانداي, مارقۇمنىڭ تۋىستارى قىزدارى زورلىقتىڭ قۇربانى بولدى دەپ سانايدى. «اسىل ارمان» تۇرعىن ءۇي كەشەنىدە بالكوننان بەلگىسىز جاعدايدا قۇلاپ مەرت بولعان جاس كەلىنشەكتىڭ ۇزاتۋ تويىنان ۆيدەو تارادى. مارقۇمنىڭ جاقىندارى مەن قۇربىلارى اجاردىڭ جايدارلى, پىسىق, ەڭبەكقور بولعانىن ايتادى. اجار نەبارى 19 جاسىندا ءوزىنىڭ قالاۋىمەن ۇزاتىلعان. الايدا ۇنەمى كۇيەۋى مەن ەنەسىنىڭ قورلىق—زورلىعىنا ۇشىراعان. ارادا ەكى جىل وتكەندە جاس انا بەلگىسىز جاعدايدا مەرت بولدى.
«ەكى جىل بۇرىن ۇزاتىلعان. ول ءوزىنىڭ سىنىپتاسى, قاراقالپاقستاننان كەلگەن, وقىماعان, قۇرىلىستا ءارتۇرلى جۇمىستار ىستەۋمەن اينالىسقان جىگىتكە تۇرمىسقا شىققان. اجاردىڭ قىز ۇزاتۋ تويى بولعانمەن, ۇيلەنۋ تويى بولماعان. ءسىڭىر, قاراسيراق كۇيەۋى توي دا جاساي العان جوق. ءسىڭىلىم قالاي باردى ۇزاتىلىپ, سولاي تاياقتان كوز اشپادى. كوپ ۋاقىت بىزدەن جاسىرىپ كەلگەن تاياق جەپ جۇرگەنىن. ارەڭ شىداپ جۇرگەنىن قۇربىلارىنا ايتقان ەكەن», — دەدى مارقۇمنىڭ اپايى نۇرساۋلە جاقىپ.
مارقۇمنىڭ تاعى ءبىر اپايى كامشات تاۋەكەلدىڭ سوزىنشە, ءسىڭىلىسى ۆيزاجيست بولعان, ءۇيىن اسىراعان, ەنەسىنە دە قاراعان. ايتۋىنشا, كۇدىكتى پەرىندە كۇيەۋ بالالارى قامالعان. الايدا جابىرلەنۋشىلەر مەرەكە قارساڭىندا ۇيدە كوپ بولعان جانە ىشىمدىك ىشكەن دەپ وتىر.
«2023 جىلىدىڭ تامىزىندا ۇزاتىلدى, تويىن جاسادىق. قايتىس بولارىنىڭ الدىندا ۇيگە, توركىنىنە كەلىپ 78 جاستاعى اپاسىنا گۇل بەردى.
اباي اتىنداعى قازاق ۇلتتىق پەداگوگيكالىق ۋنيۆەرسيتەتتىڭ 3 كۋرسىندا وقىپ جاتقان. ماماندىعى قازاق ءتىلى مەن ادەبيەتى ەدى. كۇيەۋىنەن قورلىق كوردى. ول قازىر قاماۋدا, قاراساي اۋدانىندا پوليتسيادا تانىستارى بار دەپ ەستىدىك, سوت ساراپتاماسىمەن دە كەلىسپەيمىز. وزىنە قول جۇمساۋ دەگەنى جالعان. سەبەبى, ومىرگە دەگەن قۇشتارلىعى مول ەدى. ماقساتتارى دا كوپ ەدى. قىلمىستىق قۇرام توپپەن جاسالعان دەپ ويلايمىز. سەبەبى كورشىلەرىمەن سۇقبات بارىسىندا وقيعا بولعان ساتتە بىرنەشە ادام بولعان دەگەن كۇدىك بار. الايدا قازىر تەك كۇيەۋىن عانا كۇدىكتى, ول قاماۋدا», — دەدى مارقۇمنىڭ اپكەسى.
