«Kúıeýi men enesi qorlyq kórsetken»: 6-qabattan belgisiz jaǵdaıda qulap mert bolǵan qyzdyń jaqyndary shyndyqty aıtty

Foto: ZTB

Nebári 21 jasynda zorlyqtyń qurbany bolǵan Ajar Táýekelqyzy vızajıst bolǵan. Ol ánshi-bıshilerdiń betin árlep, otbasyn asyraǵan, dep habarlaıdy qandastar.kz

sn.kz jazǵandaı,  Marqumnyń týystary qyzdary zorlyqtyń qurbany boldy dep sanaıdy. «Asyl Arman» turǵyn úı keshenide balkonnan belgisiz jaǵdaıda qulap mert bolǵan jas kelinshektiń uzatý toıynan vıdeo tarady. Marqumnyń jaqyndary men qurbylary  Ajardyń jaıdarly, pysyq, eńbekqor bolǵanyn aıtady. Ajar nebári 19 jasynda óziniń qalaýymen uzatylǵan. Alaıda únemi kúıeýi men enesiniń qorlyq—zorlyǵyna ushyraǵan. Arada eki jyl ótkende jas ana belgisiz jaǵdaıda mert boldy.

«Eki jyl buryn uzatylǵan. Ol óziniń synyptasy,  Qaraqalpaqstannan kelgen, oqymaǵan, qurylysta ártúrli jumystar isteýmen aınalysqan jigitke turmysqa shyqqan. Ajardyń qyz uzatý toıy bolǵanmen, úılený toıy bolmaǵan. Sińir, qarasıraq kúıeýi toı da jasaı alǵan joq. Sińilim qalaı bardy uzatylyp, solaı taıaqtan kóz ashpady. Kóp ýaqyt bizden jasyryp kelgen taıaq jep júrgenin. Áreń shydap júrgenin qurbylaryna aıtqan eken», — dedi marqumnyń apaıy Nursáýle Jaqyp.

Marqumnyń taǵy bir apaıy Kámshat Táýekeldiń sózinshe, sińilisi vızajıst bolǵan, úıin asyraǵan, enesine de qaraǵan. Aıtýynsha, kúdikti perinde kúıeý balalary qamalǵan. Alaıda jábirlenýshiler mereke qarsańynda úıde kóp bolǵan jáne ishimdik ishken dep otyr.

«2023 jylydyń tamyzynda uzatyldy, toıyn jasadyq. Qaıtys bolarynyń aldynda úıge, tórkinine kelip 78 jastaǵy apasyna gúl berdi.
Abaı atyndaǵy Qazaq ulttyq pedagogıkalyq  ýnıversıtettiń  3 kýrsynda oqyp jatqan. Mamandyǵy qazaq tili men ádebıeti edi. Kúıeýinen qorlyq kórdi. Ol qazir qamaýda, Qarasaı aýdanynda polıııada tanystary bar dep estidik, sot saraptamasymen de kelispeımiz. О́zine qol jumsaý degeni jalǵan. Sebebi, ómirge degen qushtarlyǵy mol edi. Maqsattary da kóp edi. Qylmystyq quram toppen jasalǵan dep oılaımyz. Sebebi kórshilerimen suqbat barysynda oqıǵa bolǵan sátte birneshe adam bolǵan degen kúdik bar. Alaıda qazir tek kúıeýin ǵana kúdikti, ol qamaýda»,  — dedi marqumnyń ápkesi.