«كۇيەۋىم دە, ۇلىم دا, قىزىم دا ۋاقىتشا»: جازيرا بايىربەكوۆا جازباسىمەن ەلدى ويلاندىرىپ قويدى

فوتو: اشىق دەرەككوز

تانىمال ءانشى جازيرا بايىربەكوۆا ادام بويىنداعى قاسيەتتەرگە قاتىستى جازبا جاريالادى. بۇل تۋرالى Stan.kz اقپارات اگەنتتىگى حابارلايدى.

ونەر يەسى وقىرماندارىنا ۇندەۋ جاساپ, ومىردە بارلىعى ءمىنسىز بولمايتىنىن العا تارتىپ, ءوزىن الداپ قيانات جاساعىسى كەلەتىندەردى اللاعا تاپسىرعانىن ايتتى.

“سابىرلىعىمنىڭ سىرىن سۇرايتىندار كوپ. ءومىردىڭ ۋاقىتشا ەكەنىن ۇمىتپاۋ. ءتىپتى كۇيەۋىم دە, ۇلىم دا, قىزىم دا, اركىمنىڭ جاقسى كورۋى, قۇرمەتتەۋى, قامقورلىعى ءوز قالاۋىمەن بولسا بولعانى جاقسى, بولماسا ماجبۇرلەمەۋ. ەشكىم ماعان ەشتەڭە مىندەتتى ەمەس ەكەنىن ءبىلۋ. جاماندار جامان بولايىن دەمەيدى, ءجاي بولمىسى سولاي. ەشكىمگە پايداسى جوق ادامدار ميىنا, جۇرەگىنە مەيىرىمدىلىك سالماعاننان. ادامنىڭ ميىنا يدەيالاردى اللا تاعالام سالادى. ءبىر ادامنىڭ ۇنامايتىن قاسيەتىن كورگەندە سول ادامنىڭ بويىنان جاقسى قاسيەتتى ىزدەپ تابۋ. جاقسى قاسيەتى جوق, نەگاتيۆتەرىمەن شارشاتاتىن ادامنان (تۋىسىم بولسا دا) الىس ءجۇرۋ”, – دەپ جازدى ءانشى.

ەسترادا جۇلدىزى كەيدە بويىنداعى قاسيەتتەرى مەن كەيبىر ۇستانىمدارى دەنساۋلىعىنا زيان ەكەنىن دە جاسىرمادى.

“مەنى الداعان, ماعان قيانات جاساعىسى كەلەتىن, مەنى سىرتىمنان جامانداپ سوگەتىن ادامداردى – اللاعا تاپسىرۋ. كەز كەلگەن جەتىستىكتى, جاقسىلىقتى, نەسىبەنى ءوزىمنىڭ ونەرىم, ءوزىمنىڭ ەڭبەگىم دەمەي اللانىڭ بەرىپ جاتقانى دەپ سەزىنۋ. بىرەۋ بالادان, بىرەۋ كۇيەۋدەن, بىرەۋ باۋىردان, بىرەۋ قايىن جۇرتتان, بىرەۋ دوستارىنان, بىرەۋ قىزمەتىنەن باقىت كورەدى. ادام ومىرىندە بارلىعى يدەال بولمايتىنىن ءتۇسىنۋ. شۇكىر ەتۋ. مەنى سابىرلى ەتەتىن وسى ويلارىم شىعار. بىراق مامانداردىڭ ايتۋىنشا مەنىڭ كەي ۇستانىمدارىم دەنساۋلىعىما زيان ەكەن. ءبارىن كەشىرىپ, ءبارىن اقتاپ الىپ جۇرە بەرمەي اراسىندا ۇسىپ, رەنجىيتىن جاعدايدا رەنجىپ ايتىپ تاستاۋىم كەرەك ەكەن”, – دەدى ونەر يەسى.

ايتا كەتەيىك, جازيرا بايىربەكوۆا ماھرگە قاتىستى ويىن بولىسكەن ەدى.