«Kúıeýim de, ulym da, qyzym da ýaqytsha»: Jazıra Baıyrbekova jazbasymen eldi oılandyryp qoıdy

Foto: ashyq derekkóz

Tanymal ánshi Jazıra Baıyrbekova adam boıyndaǵy qasıetterge qatysty jazba jarııalady. Bul týraly Stan.kz aqparat agenttigi habarlaıdy.

О́ner ıesi oqyrmandaryna úndeý jasap, ómirde barlyǵy minsiz bolmaıtynyn alǵa tartyp, ózin aldap qııanat jasaǵysy keletinderdi Allaǵa tapsyrǵanyn aıtty.

“Sabyrlyǵymnyń syryn suraıtyndar kóp. О́mirdiń ýaqytsha ekenin umytpaý. Tipti kúıeýim de, ulym da, qyzym da, árkimniń jaqsy kórýi, qurmetteýi, qamqorlyǵy óz qalaýymen bolsa bolǵany jaqsy, bolmasa májbúrlemeý. Eshkim maǵan eshteńe mindetti emes ekenin bilý. Jamandar jaman bolaıyn demeıdi, jáı bolmysy solaı. Eshkimge paıdasy joq adamdar mıyna, júregine meıirimdilik salmaǵannan. Adamnyń mıyna ıdeıalardy Alla taǵalam salady. Bir adamnyń unamaıtyn qasıetin kórgende sol adamnyń boıynan jaqsy qasıetti izdep tabý. Jaqsy qasıeti joq, negatıvterimen sharshatatyn adamnan (týysym bolsa da) alys júrý”, – dep jazdy ánshi.

Estrada juldyzy keıde boıyndaǵy qasıetteri men keıbir ustanymdary densaýlyǵyna zııan ekenin de jasyrmady.

“Meni aldaǵan, maǵan qııanat jasaǵysy keletin, meni syrtymnan jamandap sógetin adamdardy – Allaǵa tapsyrý. Kez kelgen jetistikti, jaqsylyqty, nesibeni ózimniń ónerim, ózimniń eńbegim demeı Allanyń berip jatqany dep seziný. Bireý baladan, bireý kúıeýden, bireý baýyrdan, bireý qaıyn jurttan, bireý dostarynan, bireý qyzmetinen baqyt kóredi. Adam ómirinde barlyǵy ıdeal bolmaıtynyn túsiný. Shúkir etý. Meni sabyrly etetin osy oılarym shyǵar. Biraq mamandardyń aıtýynsha meniń keı ustanymdarym densaýlyǵyma zııan eken. Bárin keshirip, bárin aqtap alyp júre bermeı arasynda usyp, renjiıtin jaǵdaıda renjip aıtyp tastaýym kerek eken”, – dedi óner ıesi.

Aıta keteıik, Jazıra Baıyrbekova máhrge qatysty oıyn bólisken edi.