«كۇيەۋىم جۇكتى كەزىمدە ۇرىپ-سوقتى, ميلليونداعان قارىزىن جاپتىم»: تانىمال بلوگەر قوعامنان كومەك سۇرادى

ينستاگرام الەۋمەتتىك جەلىسىندە تۇركيادان قازاقستانعا تاۋار جىبەرىپ, ساۋدا جاساپ تانىمال بولعان ەرلى-زايىپتى بلوگەرلەر بەرىك قۇتپانباي مەن نازيرا ءزارۋدىڭ وتباسىندا جانجال شىقتى, دەپ حابارلايدى Qandastar.kz turkystan.kz-كە سىلتەمە جاساپ.

بۇعان دەيىن ولار جەلىدە يدەال ومىرلەرىن كورسەتىپ, باقىتتى, ۇلگىلى وتباسىنىڭ ءرولىن سومداپ كەلگەن بولاتىن. بىراق ولار بىلتىر رەسمي تۇردە اجىراسىپ كەتكەن. ونى كوپشىلىككە جاريالاماعان. تەك نازيرا ءزارۋ بىرنەشە كۇننەن بەرى عانا وتباسىلىق جانجالدى ورتاعا سالىپ, بىرگە تۇرعان بەس جىلدا كۇيەۋىنەن كورگەن قورلىعىن اشىق جازىپ جاتىر.

ونىڭ ايتۋىنشا بۇرىنعى جۋرناليست – بەرىك قۇتپانباي ءوزىن جۇكتى كەزدە ۇرىپ-سوققان, اقشا بەرۋىن تالاپ ەتكەن, پەرزەنتحانادا بالاسىن بوسانىپ جاتقاندا بوديعا بارعان كورىنەدى. ۇيلەنگەن كۇننەن باستاپ نازيرا ەڭبەك ەتىپ, بەرىكتى اسىراۋعا, ونىڭ قارىزدارىن جابۋعا ءماجبۇر بولعان. ءتىپتى ونىڭ بۇرىن ۇيلەنىپ اجىراسقانىن دا ەكەۋى وتباسىن قۇرعان سوڭ بىلگەن.

«ەكىقابات بولا بەرگىم كەلەتىن ەدى, قايدان بىلەيىن جۇكتى بولىپ تا تاياق جەپ كوگەرەتىنىمدى. ىشىندە ۇرپاعى بار, نو ونى ءبىر ايەل ءۇشىن ۇرىپ-سوعادى. ول ءسۇيدى, شەكسىز, بالا ماحابباتپەن, كوزى ارتىق ەشتەڭە كورمەدى. سەنى بارىنە كىنالى ەتۋ, ۇرۋ, قورلاۋ…. ارتىنان كەشىرىم, كەشىرىم, مۇمكىندىك. سوعان سەنگەن شاراسىز ايەل. جانىمەن قوسا مانگى ۇمىتىلماس جارا تانىندە. ول ونى ەشقاشان ۇمىتا المايدى, سەبەبى ول قىزعا بىرەۋدىڭ قولىنىڭ ۇشى تيمەگەن ەدى. سەن قول كوتەرگەن ساتتەن باستاپ ول ءوشتى, تۇسىنبەدى, ءوزىن كىنالادى, باقىتتى ايەلدىڭ ماسكاسىن كيدى, ءبىر كۇنى ول ومىرمەن قوشتاسۋ كەرەكتىگىن ءتۇسىندى, سەبەبى جانى قانسىراپ, كومەك سۇرادى. مەنى بىرەۋ ۇرسىن دەپ بەرمەپ ەدى, باقىتتى بولاسىڭ دەپ ايتىپ ەدى, سوعان سەندى. بىراق ولاي ەمەس ەكەن, كوزدەن وت كەتتى, جانى تىلىمدەلدى 😭😭😭 سىرتقا مىقتى ەتىپ كورسەتكىسى كەلدى, سەنى جاقسى كورگەنى سونشا “كونەم” دەدى, كوندى, بىراق ءومىر باقي كونە المادى, ىشىندەگى تىلىمدەلگەن ءار جاساعاندارى كوز الدىندا بولدى, ۇمىتا المادى, تۇندە جاستىق كوردى كوز جاسىن, سەن كورمەدىڭ. ساعان ايتسا “جاسىن ءسۇرتۋدىڭ ورنىنا, اۋزىڭدى جاپ” دەدىڭ. جاپتى, ءوشتى, ءۇنسىز ول, شاراسىز ول, ول ەشتەڭەنى تۇسىنەر ەمەس, نەگە جالا جابىلىپ كەتكەنىن تۇسىنبەدى, سەن سەكىلدى قۋ ەمەس ەدى, انقاۋ بولىپ كەلىپ, اقىماق بوپ كەتەتىنىن كىم بىلگەن .

ۇيالمايمىن ەشتەڭەدەن! ۇيالىپ كەلدىم. مىنا جەردە دەنەدەگى جارا جازىلعانمەن جۇرەك پەن كوڭىلدىڭ جاراسى جازىلماي قالدى-اۋ. قانشا ۇيقىسىز تۇندەر مەن كۇندەرىم ءوتتى, ءبىزدى ۇرىپ, قورقىتىپ, قورلاپ, جالا جاۋىپ, ءبارىن تارتىپ الۋ ءۇشىن الدى ما?! پۋبليكاعا ويناپ, 2 قىزدى ورتاعا سالىپ, ەلگە باسقا, ماعان ءىسى باسقا مەنى جىندى ەتىپ, ءجۇرىستى ەتەتىن كىم ول?! كىم بەردى ونداي قۇقىقتى. نەگە قورقىنىشپەن ءومىر ءسۇرۋىم كەرەك. قورلاۋ ءۇشىن الدى ما?! ەلدەرگە ءبىر رەت عانا ۇردىم دەگەن باتىر, قاراڭدار, مىنە, شىندىق اشىلۋ ءۇشىن وسىلاي جار سالۋىمىز كەرەك پا. نەگە دوسىڭ شەشەمە ۇيتەم-بۇيتەم دەپ ۋگروزا جاسايدى, نەگە, كىمسىڭدەر?! مەن باقىتتى ءومىر ءسۇرىپ جاتكان ادامنىڭ رولىندە جۇرگەنمەن دە, ىشىمدە نە بولىپ جاتقانىن بىلسەڭىزدەر عوي. ماعان كەرەگى بۇل ومىردە تەك تىنىشتىق پەن بوستاندىق وزىنەن جانە تانىس تامىرلارىنان. نەگە ءبىزدى نامىسسىز ەتىپ, وزدەرى تايراڭدايدى. جاسىرىپ كەلدىم ءبارىن, نەگە يدەالنىي ەتىپ كورسەتتىم ەكەن, جانىمدى نەگە تۇسىنبەدى, نازىك ايەل ەدىم», — دەيدى ول.