كۇيەۋىن اتىپ, ءولىمىن ماقپالدان كوردى: تانىمال بلوگەر ماقپال ءجۇنىسوۆانىڭ سۇمدىق شىندىعىن جايىپ سالدى

فوتو: اشىق دەرەككوز

جەلىدە ماس كۇيىندە ۆيدەو جاريالاعان ماقپال ءجۇنىسوۆانى قولداپ, تانىمال بلوگەر سەرىك حاسەنوۆ الەۋمەتتىك جەلىدە ەپىكىر ءبىلدىردى, – دەپ حابارلايدى qandastar.kz Massaget.kz سايتىنا سىلتەپ.

سەرىك حاسەنوۆ Facebook پاراقشاسىندا ماقپال ءجۇنىسوۆا تۋرالى كولەمدى جازبا جاريالادى.

«ماقپال ءجۇنىسوۆانى سوككەندەرگە تاڭعالامىن. ماقپال سياقتى بولا الماعانى ءۇشىن ومىرگە وكپەلى ادامداردىڭ ارەكەتى سياقتى سەزىلەدى وزىمە. ماقپال ءجۇنىسوۆانى ءانشى ەمەس دەگەندەردىڭ قۇلاعى كەرەڭ نە تالعامدارىندا پروبلەما بار. ماقپال حانىمنىڭ وجەتتىلىگىنە ريزامىن ءوزىم. ءومىردىڭ نەبىر قياناتى مەن قىسپاعىنا شىداپ كەلە جاتىر. ءومىرى ءوز اۋزىمەن ايتا المايتىن, ىشىندە ءولىپ بارا جاتقان سۇمدىق پەن شىندىعى بار. وسەك پەن جالا كىمدى بولسىن قاجىتادى. جۇرەگى نازىك ايەل زاتىنا ول ءتىپتى اۋىر ءتيىپ جاتادى», – دەپ جازعان ول ماقپال ءجۇنىسوۆانى جاقتايتىنىن ءبىلدىرىپ.

«كۇيەۋىڭدى اتىپ كەتىپ, ءولىمىن سەنەن كورەدى. ونەر جولىڭداعى ەسىكتەر تارس جابىلادى. سۇلۋ, ونەرلى, قىلىقتى ايەلدىڭ قىرىقتا جەسىر قالۋ قاسىرەتىن ايتۋدا قيىن. باسقان ءىزىڭ اڭدۋلى, ءبىر اعات ادىم جاساساڭ بۇكىل حالىق نازارىنداسىڭ. ماقپال حانىمنىڭ قىزىق پەن قاسىرەتكە تولى تاعدىرىنىڭ بىزگە ءمالىم سىرلارىنىڭ ءوزى ادامدى مۇڭايتپاي قويمايدى. ال ماقپال حانىمنىڭ ىشىندە نە بولىپ جاتقانىن ايتپاق تۇگىلى, ەلەستەتۋ قيىن. بىزگە بەيمالىم سىرلارى قانشاما. ايتا الاتىنى بار, ايتا المايتىنى بار. ءبىر ادامنىڭ وسىنشا جۇكتى ارقالاپ الىپ, تاعدىر جولىندا مويىنسۇنباي ارپالىسىپ كەلە جاتقانىن كورىپ باسىڭدى قالاي عانا يمەيسىڭ?», – دەدى بلوگەر جازباسىندا.

سەرىك حاسەنوۆ ادامنىڭ ءىشىپ-ىشپەۋى ءوز ەركى ەكەنىن, حالىق ونەر يەسىن ونەرى ءۇشىن عانا باعالاۋى كەرەك ەكەنىن دە باسىپ ايتتى.

ء«ىشىپتى دەيدى. نەگە ىشپەۋى كەرەك? ءوز ەركى عوي. ماقپال حانىم ىشە ءتۇسىڭىز. سىزگە ۇزاق عۇمىر تىلەيمىن. شەرىڭىز تارقاسىن. وجەت, قايسار, مىنەزدى, نازىك, سۇلۋ, قىلىقتى ماقپال حانىم. ءسىزدىڭ عۇمىر – ۇلكەن مايدان! سودان ادامدىق قالىبىڭىزدى بۇزباي ۇستاپ كەلە جاتقان ەرلىگىڭىزدىڭ لايىقتى باعاسى ءبىر كۇنى بەرىلەر. ونەرىڭىزدىڭ دە, ءوزىڭىزدىڭ دە الدىڭىزدا باسىمدى ءيدىم!», – دەپ جازدى ول.

ايتا كەتەيىك, ماس كۇيىندە ۆيدەو جاريالاعاننان كەيىن ماقپال ءجۇنىسوۆا جەلىدە قىزۋ تالقىلانعان ۆيدەوسى ءۇشىن حالىقتان كەشىرىم سۇراعان بولاتىن.