الەم جاڭالىقتارى
كۇيەۋىنەن زورلىق-زومبىلىق كورگەندەرگە اجىراسقان سوڭ ءۇي بەرىلەدى
فوتو:istockphoto.com
وزبەكستان پارلامەنتىنىڭ جوعارعى پالاتاسى – ولي ماجليس سەناتى ايەلدەر قۇقىعىن قورعاۋ جانە وتباسى ينستيتۋتىن نىعايتۋعا باعىتتالعان زاڭدى ماقۇلدادى. بۇل تۋرالى سەناتتىڭ ءباسپاسوز قىزمەتى حابارلادى, – دەپ حابارلايدى qandastar.kz
جاڭا زاڭ نەكەنى بۇزۋ جانە تۇرمىستىق زورلىق-زومبىلىققا بايلانىستى تۇرعىن ءۇي داۋلارىن قاراۋ تارتىبىنە وزگەرىستەر ەنگىزەدى. قۇجاتقا سايكەس, زورلىق-زومبىلىققا ۇشىراعان ادام ءتيىستى تالاپ قويعان جاعدايدا, سوت تاراپتاردىڭ تاتۋلاسۋى ءۇشىن زاڭدا بەلگىلەنگەن مەرزىمدى الىپ تاستاي الادى. بۇل وزگەرىس جابىرلەنۋشىلەردىڭ قۇقىقتارىن قورعاۋ پروتسەسىن جەدەلدەتۋگە باعىتتالعان.
Aikyn.kz جازعانداي, تۇرعىن ءۇي داۋلارىن شەشۋ كەزىندە سوت م ۇلىكتىڭ مەنشىك يەسىن جابىرلەنۋشىگە تۇراتىن باسپانا ۇسىنۋعا مىندەتتەي الادى. مەنشىك يەسى جابىرلەنۋشىنى باسقا باسپاناعا كوشىرۋى نەمەسە تۇرعىن ءۇيدى جالعا الۋ شىعىندارىن وتەۋى مۇمكىن.
زاڭ شىعارۋشىلاردىڭ ايتۋىنشا, بۇل قادام تۇرمىستىق زورلىق-زومبىلىق كورگەن ازاماتتارعا قولداۋ كورسەتۋ تەتىكتەرىن جەتىلدىرۋگە ارنالعان. سەناتتىڭ حابارلاماسىندا قۇجاتتىڭ جابىرلەنۋشىلەردىڭ مۇددەلەرىن قورعاۋدىڭ قۇقىقتىق نەگىزدەرىن نىعايتىپ, ايەلدەردىڭ قوعامداعى جاعدايىن جاقسارتۋعا ىقپال ەتەتىنى اتاپ ءوتىلدى. زاڭ حالىقتىڭ وسال توپتارى ءۇشىن قاۋىپسىز ورتا قۇرۋعا باعىتتالعان مەملەكەتتىك ساياسات اياسىندا ازىرلەنگەن.
