جاڭالىقتار
«كۇيەۋىڭىز كوپ اقشا تاپسىن دەسەڭىز, ءىش كيىمىن يىسكەڭىز»: تانىمال باقسى بايۋدىڭ جولىن ايتتى
فوتو: ۆيدەودان سكرين
جەلىدە ءوزىن باقسى, جۇلدىزدارعا, شەنەۋنىكتەرگە كەڭەس بەرۋشى رەتىندە تانىستىرعان رۋسلان ەسىمدى ەمشى تابىس تابۋ تۋرالى پىكىر ايتامىن دەپ جۇرتتىڭ اشۋىن تۋدىردى, دەپ حابارلايدى qandastar.kz Azattyq Rýhy-نا سىلتەمە جاساپ.
ول ەر ادامنىڭ تابىس مول تابىس تابۋى ءۇشىن ايەلى ونىڭ ءىش كيىمىن يىسكەپ تۇرۋ كەرەك ەكەنىن ايتتى.
«ەگەر كۇيەۋىڭىز كوپ اقشا تاپسىن دەسەڭىز, ونىڭ ءىش كيىمىن جۋماس بۇرىن جاقسىلاپ تۇرىپ يىسكەپ الىڭىز. ءوزىڭىزدىڭ ەنەرگياڭىزدى بەرىڭىز. سودان كەيىن جۋىپ, ۇتىكتەڭىز. ءسىزدىڭ كۇيەۋىڭىز وتە كوپ اقشا تاباتىن بولادى. سول كەزدە يەرارحيا ساقتالادى», — دەيدى باقسى.
ۆيدەونىڭ استىنا جەلى قولدانۋشىلارى ءتۇرلى پىكىر ءبىلدىردى.
«كۇيەۋى جوقتار نە ىستەۋى كەرەك?», «ەرتەرەك نەگە ايتپادىڭىز?», «اقشاسىز جۇرگەنىم جاقسىراق», «بايلارىمىز كورمەسىن, كۇلكىدەن ءولىپ جاتىرمىن», «ەندى قالماعانى سول ەدى», — دەپ جازدى جەلى قولدانۋشىلارى.
