«كۇيەۋىڭىز كوپ اقشا تاپسىن دەسەڭىز, جۋىلماعان ءىش كيىمىن يىسكەڭىز»: باقسى ايەلدەرگە بايۋدىڭ جولىن ايتتى

جەلىدە «كۇيەۋىڭىز كوپ اقشا تاپسىن دەسەڭىز, ءىش كيىمىن يىسكەڭىز» دەگەن رۋسلان ەسىمدى باقسى كوپشىلىكتىڭ اشۋىن تۋدىردى. ول جۇلدىزدارعا, شەنەۋنىكتەرگە كەڭەس بەرۋشى رەتىندە تانىلىپ ءجۇر, دەپ حابارلايدى KYN.KZ اقپارات اگەنتتىگى.

ونىڭ ايتۋىنشا, ەر ادامنىڭ كوپ اقشا تابۋى ءۇشىن ايەلى ونىڭ ءىش كيىمىن يىسكەپ تۇرۋى كەرەك.

«ەگەر كۇيەۋىڭىز كوپ اقشا تاپسىن دەسەڭىز, ونىڭ ءىش كيىمىن جۋماي تۇرىپ, جاقسىلاپ يىسكەپ الىڭىز. وعان ءوزىڭىزدىڭ ەنەرگياڭىزدى بەرىڭىز. سودان كەيىن جۋىپ, ۇتىكتەڭىز. وسىدان كەيىن ءسىزدىڭ كۇيەۋىڭىز وتە كوپ اقشا تاباتىن بولادى. سول كەزدە يەرارحيا ساقتالادى», – دەيدى باقسى.

ۆيدەونىڭ استىنا جەلى قولدانۋشىلارى ءتۇرلى پىكىر قالدىردى. ولار «اقشاسىز جۇرگەنىم جاقسىراق», «بايلارىمىز كورمەسىن, كۇلكىدەن ءولىپ جاتىرمىن», «ەندى قالماعانى سول ەدى» دەپ جازدى.