«Kúıeýińiz kóp aqsha tapsyn deseńiz, jýylmaǵan ish kıimin ıiskeńiz»: baqsy áıelderge baıýdyń jolyn aıtty

Jelide «kúıeýińiz kóp aqsha tapsyn deseńiz, ish kıimin ıiskeńiz» degen Rýslan esimdi baqsy kópshiliktiń ashýyn týdyrdy. Ol juldyzdarǵa, sheneýnikterge keńes berýshi retinde tanylyp júr, dep habarlaıdy KYN.KZ aqparat agenttigi.

Onyń aıtýynsha, er adamnyń kóp aqsha tabýy úshin áıeli onyń ish kıimin ıiskep turýy kerek.

«Eger kúıeýińiz kóp aqsha tapsyn deseńiz, onyń ish kıimin jýmaı turyp, jaqsylap ıiskep alyńyz. Oǵan ózińizdiń energııańyzdy berińiz. Sodan keıin jýyp, útikteńiz. Osydan keıin sizdiń kúıeýińiz óte kóp aqsha tabatyn bolady. Sol kezde ıerarhııa saqtalady», – deıdi baqsy.

Vıdeonyń astyna jeli qoldanýshylary túrli pikir qaldyrdy. Olar «Aqshasyz júrgenim jaqsyraq», «Baılarymyz kórmesin, kúlkiden ólip jatyrmyn», «Endi qalmaǵany sol edi» dep jazdy.