«Kúıeýleri hıdjab kımegeni úshin áıelderin óltirip jatyr»: Ulanǵasyr Qamıdyń bolashaq jaryna qoıatyn talaby kópke unamaı qaldy

Tanymal hıtmen Ulanǵasyr Qamı bolashaq jaryna namaz oqytyp, hıdjab kıgizetinin aıtty. Bul týraly Stan.kz aqparat agenttigi habarlaıdy.

25 jastaǵy jigittiń otbasylyq ómirine qatysty qaǵıdasy jelide qyzý talqyǵa tústi.

“Shyn túsinip kıgen áıel hıdjabty basyn kesip alsa da sheshpeıdi. Basqasynda sharýam joq. Men erteń óz áıelime hıdjab kıgizemin. Basqasy sheship ala ma, sheshindire me,shataǵym joq. О́zimdikine kıgizemin. Buǵan kónetin áıeldi alamyn, kónbese, almaımyn. Arabtiki me, basqanyki me, maǵan báribir. Men ony túsinip turmyn, túsenetin áıel izdeımin. Kımeımin dese, “saý bol” deımin. Bolashaq áıelimniń sanyn jaltyratyp eshqaıda shyǵarǵym kelmeıdi”, – dedi ánshi.

Sonymen qatar ondaı sheshimge áıeline de jaýapty bolǵandyqtan barǵanyn alǵa tartty.
“Nege hıdjab kıgizesiń degen suraq bolsa, er adam ózine jaýapkershilik alady ǵoı… Úılengennen keıin aqyretke deıin áıelińe de sen jaýaptysyń, suralasyń. Eger hıdjab kıip, durys júrmeıtin áıel bolsa, úılenbeı-aq qoıǵan durys… Áıelin óltirip qoıdy degenniń bári hıdjab kımegennen bastalǵan sharýa. Ustazdar baıaǵydan aıtyp kele jatyr. Áıeli sanyn jaltyratyp kóshege shyǵady, kúıeýi ony estıdi de, baryp óltirip qoıady degen sııaqty, – dep aıtty hıtmen.

Jeli qoldanýshylary óner ıesiniń pikirin qyzý talqylap jatyr.

“Shashyńdy jaltyratpaı, erkek bolshy áýeli”, “Hıdjab kıgen qyzdy da óltirgen”, “Mynadaı nadan adamdy sahnaǵa shyǵarmaý kerek”, “Musylmandarǵa án aıtý haram emes pa?”, – dep jazdy jeli qoldanýshylary.