جاڭالىقتار
شەنەۋنىك سوزىندە تۇرمادى: بالالارعا ارنالعان سپورت الاڭدارىنىڭ قۇرىلىسى توقتاپ تۇر
فوتو: اشىق دەرەككوز
وتكەن جىلى «جاڭا ادامدار» اتىراۋداعى قۇرىلىسى اياقتالماعان 25 سپورت الاڭىنىڭ ماسەلەسىنە اكىمدىكتىڭ نازارىن اۋداردى. نىسانداردىڭ قۇرىلىسىنا 1,2 ملرد تەڭگە بولىنگەن, بىراق 5 جىل بويى بۇل الاڭ قۇرىلىسى تاپسىرىلماعان. وتكەن جىلدىڭ كوكتەمىندە اتىراۋ قالاسى اكىمىنىڭ ورىنباسارى نۇرجان ەرمۇحانوۆ «جاڭا ادامدارعا» جانە ەلگە كامەرا الدىندا ۋادە بەرگەن. ياعني 2023 جىلدىڭ اياعى نەمەسە 2024 جىلدىڭ باسىندا سپورت الاڭدارىن بالالار پايدالانا الاتىنىن ايتقان, – دەپ جازادى qandastar.kz
«حالىق قاھارى» ازاماتتىق كامپانياسىنىڭ بەلسەندىلەرى نۇرجان ەرمۇحانوۆتىڭ ۋادەسىن ورىنداعان-ورىنداماعانىن تەكسەرۋدى قۇپ كوردى. انىقتالعانداي, جاريالانعان مەرزىمدەردىڭ الدەقاشان ءوتىپ كەتكەنىنە قاراماستان, سپورت نىساندارى بۇرىنعىداي ايانىشتى كۇيدە تۇر.
«حالىق قاھارى» ازاماتتىق كامپانياسىنىڭ بەلسەندىلەرى نۇرجان ەرمۇحانوۆتىڭ ۋادەسىن قوزعاپ, اتىراۋ كوشەلەرىنە شىقتى. الايدا ەرمۇحانوۆ سوزىنەن تايقىپ وتىر. ايتقانىن ايتپاعان قىلىپ شىعاردى.
«ەگەر ماسەلە نەعۇرلىم سوزىلىپ كەتسە, ادامدار ونى ۇمىتىپ كەتەدى دەپ ويلاماڭىزدار. حالىق يگىلىگى ءۇشىن جۇمىستى ءتيىمدى جانە ادال اتقارۋ كەرەك. جاڭا قازاقستاندا سولاي بولۋ كەرەك, – دەيدى بۇل رەتتە «حالىق قاھارى» ازاماتتىق كومپانياسىنىڭ ليدەرى اليحان سارسەنوۆ.
