«Qulasa, qulaı bersin»: Qaraǵandy oblysynda 20-ǵa jýyq otbasy apatty jaǵdaıdaǵy úıden kóshpeı otyr

Foto: Sıýjet kadrlarynan

Qaraǵandy oblysynyń Saran qalasynda jıyrma shaqty otbasy apatty dep tanylǵan úılerinen shyǵýǵa qarsylyq tanytty, dep jazdy qandastar.kz

Aıtýlarynsha, ákimdik burynnan qulaıyn dep turǵan ǵımaratqa esh shara qoldanbaǵan. Al turǵyndar mektep pen jataqhanaǵa ornalasýǵa qarsy. Bul týraly Stan.kz aqparat agenttigi 31 arnanyń “Informbıýro” jańalyqtar baǵdarlamasyna silteme jasap habarlaıdy.

Ýaqytsha baspana retinde turǵyndarǵa mektepter nemese jataqhanalardan bólmeler usynylǵan.

«Daǵdarys ortalyǵynyń ne ekenin túsinesiz be? Mysaly, ınternat-mektep. О́zim sonda kóp jyl jumys istedim. Qazir ol jerde balalar turady. Internat tolyq. Qalaı tamaq pisiremiz, qalaı jýynamyz?» – dedi Saran qalasynyń turǵyny Krıstına Smagına.

Adamdar munda 20 jyldan beri turyp keledi. Qazir úıde tek tórt kireberis qana paıdalanylady. Peshpen jylynady, turǵyndar kómirdi qabattarǵa ózderi tasıdy. Bir kireberiste birneshe jyl buryn plıtalar qulap, turǵyndardy kóshirý kerek bolǵan. Qalǵandaryna byltyr úıdi qalpyna keltiremiz dep ýáde bergen.

«Bizdi tynysh qaldyryp, úı daıyn bolǵansha eshkim mazalamaýyn talap etemiz. Bizge páter beretinin aıtqan. “Úı qulap ketpeı me dep qoryqpaısyz ba” deıdi. Qulasa, qulaı bersin!» – dedi Saran qalasynyń turǵyny Galına Fadeeva.

Bul jerde turǵyndar sýmen jabdyqtaýdy, kárizdi, jaryqty óz kúshterimen qalpyna keltirgen. Olardyń aıtýynsha, másele 5 jyldan beri sheshilmeı keledi. Tipti jertóle sýǵa tolyp turǵanda da eshkim nazar aýdarmaǵan. Al turǵyndar jylý tartqaly jatqanda, ákimdik saraptama jasap, úı apatty jaǵdaıda ekenin anyqtady.

Qala ákimi úıde tirek konstrýkııalary buzylǵanyn, kez kelgen sátte qulap ketýi múmkin ekenin aıtty. Turǵyndarǵa aldymen úıdiń apatty ekenin rastaıtyn qaýly alyp, turǵyn úı kezegine turý kerek.

«Barlyq turǵyn úshin baspana qarastyrylǵan. Tek proedýradan ótý kerek. Biz kezekte turǵan basqa azamattardyń quqyǵyn buza otyryp, birden páter bere almaımyz. Kim tezirek kelip, qujattaryn tapsyrsa, bári zań sheńberinde 2 aı ishinde sheshiledi», – dedi Saran qalasynyń ákimi Daryn Bulqaıyr.

Eger turǵyndar kóshýge kónbese  sot arqyly shyǵarylady. Sondyqtan qujattardy rásimdeý turǵyndardyń óz múddesine saı. Jańa baspana barlyq páter ıelerine emes, tek turaqty turyp kelgen jáne bul jalǵyz baspanasy bolǵan adamdarǵa ǵana beriledi.