قۇلسارى ىرگەسىندەگى كونە زيراتتا قۇلپىتاستار تونالىپ جاتىر

بۇل فاكتى بويىنشا قر قىلمىستىق كودەكسىنىڭ 314-بابى 1-بولىگىمەن («ولگەن ادامداردىڭ مايiتتەرiن جانە ولار جەرلەنگەن جەرلەردi قورلاۋ دەرەگىمەن») سوتقا دەيىنگى تەرگەۋ امالدارى جۇرگىزىلۋدە.
اتىراۋ وبلىسى جىلىوي اۋدانى قۇلسارى قالاسىنىڭ شەت جاعىندا ورنالاسقان كونە زيراتتاردىڭ قۇلپىتاسىن بۇزىپ, توناۋدا,

– بۇل بەيىتتىڭ اتى جوق, كەيىنگى جىلدارى «قوعاباي» دەپ اتالىپ ءجۇر. قالانىڭ وڭتۇستىك بولىگىندە وندىرىستىك ايماقتا ورنالاسقان. بۇل كونە بەيىت, ۇلى وتان سوعىسى جىلدارىندا بولعان دەسەدى. بىراق ءالى دە بولسا اتالارى سول جەردە جاتقاندىقتان, قايتىس بولعان تۋىستارىن سول قورىمعا اپارىپ قويىپ ءجۇر. ەلەۋسىز قالعاندىقتان, مارقۇمدارعا قويىلعان قۇلپىتاستاردى بۇزىپ اكەتىپ جاتىر. تەمىر بولسا بولدى, ونى مەتاللولومعا وتكىزىپ, اقشا تاۋىپ جۇرگەن توپ بولۋى مۇمكىن. قالاي ەتكەندە دە, قۇزىرلى ورىندار شۇعىل شارا الۋلارى كەرەك, – دەيدى قۇلسارى قالاسىنىڭ تۇرعىنى ابدىحالىق سيسەنبەرديەۆ.
«اق جايىق» باسىلىمى جازعانداي, زيرات قورشالماعاندىقتان, اڭعال-ساڭعال كۇيدە جاتىر.

وسى ورايدا تۇرعىننىڭ شاعىمىن وبلىستىق پد ءباسپاسوز قىزمەتىنە جولدادىق.

«بۇل فاكتى بويىنشا قر قىلمىستىق كودەكسىنىڭ 314-بابى 1-بولىگىمەن («ولگەن ادامداردىڭ مايiتتەرiن جانە ولار جەرلەنگەن جەرلەردi قورلاۋ دەرەگىمەن») سوتقا دەيىنگى تەرگەۋ امالدارى جۇرگىزىلۋدە. اتالعان بەيىتتەردىڭ ەسىمدەرى بولماۋىنا بايلانىستى تەكسەرۋ جۇمىستارى جۇرگىزىلۋدە», – دەدى پد ءباسپاسوز قىزمەتى.