جاڭالىقتار
قۇلسارىدا موپەد مىنگەن 12 جاستاعى بالا قازا تاپتى
قۇلسارى قالاسىندا 7 شىلدە كۇنى جانتۇرشىگەرلىك جول-كولىك وقيعاسى بولدى. جول قيىلىسىندا موپەد مىنگەن 12 جاستاعى بالا اۆتوبۋسقا سوعىلىپ, قازا تاپتى, دەپ حابارلايدى Qandastar.kz سايتى HALYQSTAN تەلەگرام ارناسىنا سىلتەمە جاساپ.
پوليتسيانىڭ مالىمەتىنشە, «پاز ۆەكتور نەكست» ماركالى اۆتوبۋس بۇرىلىپ جاتقان كەزدە, موپەد قاتتى جىلدامدىقپەن كەلىپ, ونىڭ بۇيىرىنەن سوققان. قاتتى سوققىنىڭ سالدارىنان بالا اۋىر جاراقات الىپ, شۇعىل تۇردە اۋداندىق اۋرۋحاناعا جەتكىزىلدى. الايدا دارىگەرلەردىڭ بار كۇش-جىگەرىنە قاراماستان, جەتكىنشەكتى امان الىپ قالۋ مۇمكىن بولمادى.
قازىر بۇل اپاتتىڭ قالاي جانە نە سەبەپتى بولعانىن تەرگەۋ انىقتاپ جاتىر. ساراپتامالار تاعايىندالدى. بالا نەگە موپەد تىزگىندەگەنى دە تەرگەلىپ جاتىر.
