Qulsaryda moped mingen 12 jastaǵy bala qaza tapty

Qulsary qalasynda 7 shilde kúni jantúrshigerlik jol-kólik oqıǵasy boldy. Jol qıylysynda moped mingen 12 jastaǵy bala avtobýsqa soǵylyp, qaza tapty, dep habarlaıdy Qandastar.kz saıty HALYQSTAN telegram arnasyna silteme jasap.

Polıııanyń málimetinshe, «PAZ Vektor Nekst» markaly avtobýs burylyp jatqan kezde, moped qatty jyldamdyqpen kelip, onyń búıirinen soqqan. Qatty soqqynyń saldarynan bala aýyr jaraqat alyp, shuǵyl túrde aýdandyq aýrýhanaǵa jetkizildi. Alaıda dárigerlerdiń bar kúsh-jigerine qaramastan, jetkinshekti aman alyp qalý múmkin bolmady.

Qazir bul apattyń qalaı jáne ne sebepti bolǵanyn tergeý anyqtap jatyr. Saraptamalar taǵaıyndaldy. Bala nege moped tizgindegeni de tergelip jatyr.