Qulybaevtar Astana halyqaralyq qarjy ortalyǵynda jańa holdıngtik kompanııa qurdy

Foto: respublika.kz.media

Astana halyqaralyq qarjy ortalyǵynda 10 myń dollarlyq (5,39 mıllıon teńge) jarǵylyq kapıtaly bar jańa holdıng Almex Holding Limited qurdy, dep jazdy qandastar.kz

Bul týraly Stan.kz aqparat agenttigi Finmentor.kz portalyna silteme jasap habarlaıdy.

Jańa kompanııanyń dırektory bolyp Jomart Nurabaev taǵaıyndaldy. Sonymen qatar ol «Almeks» holdıngtik toby» AQ basqarma tóraǵasy qyzmetin atqarady. Osy qurylym arqyly Qulybaevtar Qazaqstan Halyq Bankiniń 56,39%-yna ıelik etedi.

Kompanııanyń bas atqarýshy dırektory (SEO) bolyp Jantas Abdýllov taǵaıyndaldy. Ol «Almeks» holdıngtik toby» AQ basqarma tóraǵasynyń orynbasary retinde qyzmetke keldi.

Eske salaıyq, buǵan deıin Tımýr Qulybaevtyń kompanııasynanOral jaǵalaýyndaǵy jer ýchaskesi tárkilengenin jazǵan edik. Osyǵan baılanysty, Atyraý oblysynyń Jer resýrstaryn basqarý departamenti sotqa júginip, jerdi memleketke qaıtarýdy suraıdy. 2024 jyly 7 maýsymda sot talap aryzdy qanaǵattandyryp, 0,3046 ga jer ýchaskesin memleket menshigine qaıtarý týraly sheshim shyǵardy.