ق ۇلىباەۆتىڭ ماڭىزدى اكتيۆتەرى ەندى مەملەكەتكە تيەسىلى

فوتو: اشىق دەرەككوز

ق ۇلىباەۆتىڭ ماڭىزدى اكتيۆتەرى ەندى مەملەكەتكە تيەسىلى, دەپ جازدى qandastar.kz

  اتىشۋلى تيمۋر ق ۇلىباەۆقا تيەسىلى دەپ سانالاتىن «تەك-كازاحستان» كومپانياسى مەملەكەت مەنشىگىنە 54 نىساندى وتكىزدى. ۇسىنىلعان اقپاراتقا سايكەس, قۇرامىنا جانارماي قويمالارى, عيماراتتار مەن قۇرىلىستار, سونداي-اق نەگىزگى قۇرال-جابدىق توپتارى كىرەتىن م ۇلىك ەندى مەملەكەتكە تيەسىلى.

بۇعان دەيىن اكتيۆتەردى قايتارۋ جونىندەگى كوميتەت تيمۋر ق ۇلىباەۆپەن سوتتاسىپ جاتقانى تۋرالى اقپارات تاراعان ەدى. كۇيەۋبالانىڭ ەسىمى ەلدەگى ەڭ ىقپالدى بيزنەس وكىلدەرىنىڭ ءبىرى رەتىندە ءجيى اتالادى. ول «كيپروس» پەن «Joint Technologies» ارقىلى «تەك-كازاحستان»-دى قاداعالاعان دەپ ايتىلادى. قارجى ەسەبىنە سۇيەنسەك, ق ۇلىباەۆتىڭ Joint Resources حولدينگى 2023 جىلدىڭ قورىتىندىسىندا 39,1 ملرد تەڭگە تازا تابىس تاپقان. حولدينگتىڭ قاراماعىندا جەتى ەنشىلەس مەكەمە بار, ولاردىڭ اراسىندا «كريستالل مەنەدجمەنت» اق, «Kazakhstan’s mineral resource investment company» جشس, «شۇباركول پرەميۋم» اق سەكىلدى كاسىپورىندار جانە باسقا دا ۇيىمدار كەزدەسەدى. مەملەكەتكە قايتارىلعان 54 نىساننىڭ ناقتى قانداي ماقساتتا پايدالانىلاتىنى ءالى بەلگىسىز. قۇزىرلى ورگاندار بۇل پروتسەستىڭ جالعاساتىنىن ەسكەرتۋدە.