Qarjy jáne tólemder
Qulybaevtyń mańyzdy aktıvteri endi memleketke tıesili
Foto: ashyq derekkóz
Qulybaevtyń mańyzdy aktıvteri endi memleketke tıesili, dep jazdy qandastar.kz
Atyshýly Tımýr Qulybaevqa tıesili dep sanalatyn «TEK-Kazahstan» kompanııasy memleket menshigine 54 nysandy ótkizdi. Usynylǵan aqparatqa sáıkes, quramyna janarmaı qoımalary, ǵımarattar men qurylystar, sondaı-aq negizgi qural-jabdyq toptary kiretin múlik endi memleketke tıesili.
Sonymen birge «Qorǵas» halyqaralyq ortalyǵyndaǵy bagaj termınaly men jer ýchaskesi de qaıtarylǵan.
Buǵan deıin Aktıvterdi qaıtarý jónindegi komıtet Tımýr Qulybaevpen sottasyp jatqany týraly aqparat taraǵan edi. Kúıeýbalanyń esimi eldegi eń yqpaldy bıznes ókilderiniń biri retinde jıi atalady. Ol «Kıpros» pen «Joint Technologies» arqyly «TEK-Kazahstan»-dy qadaǵalaǵan dep aıtylady. Qarjy esebine súıensek, Qulybaevtyń Joint Resources holdıngi 2023 jyldyń qorytyndysynda 39,1 mlrd teńge taza tabys tapqan. Holdıngtiń qaramaǵynda jeti enshiles mekeme bar, olardyń arasynda «Krıstall Menedjment» AQ, «Kazakhstan’s mineral resource investment company» JShS, «Shubarkól Premıým» AQ sekildi kásiporyndar jáne basqa da uıymdar kezdesedi. Memleketke qaıtarylǵan 54 nysannyń naqty qandaı maqsatta paıdalanylatyny áli belgisiz. Quzyrly organdar bul proestiń jalǵasatynyn eskertýde.
