Qulybaevtyń munaı-gaz bıznesindegi kompanııasy mıllıardtaǵan shyǵynǵa ushyrady

2025 jyldyń alǵashqy alty aıynda «Krıstall menedjment» kompanııasynyń qarjylyq nátıjesi mınýsqa ketti, dep habarlaıdy Skifnews.kz aqparat portaly.

Esep boıynsha, uıymnyń shyǵyny 1,8 mlrd teńgege jetken. Bul ótken jyldyń osy kezeńimen salystyrǵanda eki ese kóp (2024 j. — shamamen 894 mln teńge). Degenmen, tabys kólemi artqan: bıylǵy jartyjyldyqta kompanııa 7,6 mlrd teńge kiris tapqan (bir jyl buryn — 5,3 mlrd teńge). Aktıvteriniń jalpy quny 60 mlrd teńgege baǵalanýda. Kompanııa kómirsýtekterdi barlaý quqyǵyna ıe jáne bul jumystardy Ulytaý, Aqtóbe men Qyzylorda oblystarynda júrgizedi. Baqylaý úlesiniń 51%-y Joint Resources arqyly belgili kásipker Tımýr Qulybaevqa tıesili. Forbes deregine sáıkes, onyń jeke kapıtaly shamamen 5,8 mlrd dollardy quraıdy.