جاڭالىقتار
ق ۇلىباەۆتىڭ تاعى ءبىر كومپانياسى سوتتا جەڭىلىپ قالدى
فوتو: وlympic.kz
ميللياردەر تيمۋر ق ۇلىباەۆ يەلىك ەتەتىن «كيپروس» كومپانياسى سوتتا الماتىنىڭ ىسكەرلىك اۋدانىنداعى 1,79 گەكتار جەردى مەنشىگىندە قالدىرا المادى. بۇل جەر ءبىر كەزدەرى ءال-فارابي اتىنداعى قازۇۋ-عا تيەسىلى بولعان. وندا بيزنەس-ورتالىق سالىنۋدا, دەپ qandastar.kz اقپارات پورتالى Stan.kz-كە سىلتەمە جاساپ حابارلايدى.
16 قاڭتاردا الماتى قالالىق سوتى ءبىرىنشى ساتىداعى سوتتىڭ 2024 جىلعى 11 قازانداعى شەشىمىن وزگەرىسسىز قالدىرۋ تۋرالى قاۋلى شىعاردى. وسىلايشا, «كيپروس» كومپانياسى ءوزىنىڭ جەر قۇقىعىن دالەلدەي المادى. ەندى 1,79 گەكتار جەر ۋچاسكەسى مەملەكەتكە قايتارىلۋى كەرەك.
كەڭەس زامانىنان بەرى داۋلى اۋماق قازۇۋ-عا تيەسىلى بولدى. 2007 جىلى الماتى اكىمدىگى ينۆەستيتسيالىق كەلىسىم نەگىزىندە ونى قازىر جوق «ەسەنتاي دەۆەلوپمەنت» جەكە كومپانياسىنا بەردى. كەيىننەن جەر بىرنەشە فيرمالارعا ساتىلىپ, ونى 2019 جىلى «كيپروس» ساتىپ الدى.
2024 جىلدىڭ شىلدەسىندە الماتى قالاسىنىڭ جەر رەسۋرستارىن باسقارۋ دەپارتامەنتى جەردى ساتىپ الۋ-ساتۋ تۋرالى بارلىق شارتتاردى جارامسىز دەپ تانۋدى تالاپ ەتىپ سوتقا جۇگىندى. مەملەكەتتىك ورگاننىڭ پىكىرىنشە, ۋچاسكە «جەر زاڭناماسىنىڭ تالاپتارىن بۇزا وتىرىپ» بەرىلگەن. 2024 جىلدىڭ قازان ايىندا سوت تالاپتى قاناعاتتاندىردى.
«باستاپقىدا داۋلى جەر ۋچاسكەسىن بەرۋ زاڭسىز جۇزەگە اسىرىلعان. اتاپ ايتقاندا لاۋازىمدى تۇلعالاردىڭ زاڭسىز ارەكەتتەرىنە بايلانىستى مەملەكەتتىڭ ەركىنەن تىس شىعىپ قالعانىن ەسكەرە وتىرىپ, سوت القاسى جەر ۋچاسكەسىن ادال ساتىپ الۋشىدان الىپ قويۋدى نەگىزدى دەپ سانايدى», — دەلىنگەن الماتى قالالىق سوتىنىڭ شەشىمىندە.
جىلجىمايتىن م ۇلىكتىڭ بىرىڭعاي مەملەكەتتىك كاداسترىندا ونىڭ قۇنى – 42,9 ميلليارد تەڭگە.
ەسكە سالساق, بۇعان دەيىن قازاقستان بيلىگى وتكەن جىلى ق ۇلىباەۆتىڭ باقىلاۋىنداعى كومپانيادان 54 نىساندى تارتىپ العان.
