Kún 43 gradýsqa deıin ysıdy: Elimizdiń birneshe óńirinde eskertý jarııalandy

17 maýsymda Astana men elimizdiń 15 óńirinde aptap ystyqqa baılanysty daýyldy eskertý jarııalandy, dep habarlaıdy Qandastar.kz aqparat portaly «Qazgıdromet» RMK-nyń baspasóz qyzmetine silteme jasap.

Kúndiz Jetisý oblysynyń taýly aýdandarynda naızaǵaı oınap, soltústik-shyǵystan jel soǵady dep kútiledi. Kúndiz oblystyń shyǵysynda soqqan jeldiń ekpini 15-20 m/s quraıdy. О́ńirde 17-19 maýsymda kúndiz 35-39 gradýs qatty ystyq bolady dep boljanady. Oblystyń soltústiginde, shyǵysynda, ortalyǵynda tótenshe órt qaýpi saqtalady. Taldyqorǵanda 17-19 maýsymda kúndiz 35-37 gradýs qatty ystyq bolyp, tótenshe órt qaýpi saqtalady.

Kúndiz Atyraý oblysynyń soltústiginde, batysynda naızaǵaı oınap, oblystyń soltústiginde, ońtústiginde soltústik-batystan ońtústik-batysqa oıysa soqqan jeldiń ekpini 15-20 m/s bolady dep kútiledi. Oblystyń soltústiginde, shyǵysynda, ortalyǵynda tótenshe órt qaýpi, oblystyń ońtústiginde joǵary órt qaýpi kútiledi. Atyraýda 17 maýsymda joǵary órt qaýpi saqtalady.

Kúndiz Aqmola oblysynyń batysynda, soltústiginde naızaǵaı oınap, burshaq túsedi dep kútiledi. Kúndiz oblystyń batysynda, soltústiginde ońtústik-shyǵystan jel soǵady, ekpini — 15-20 m/s. Kúndiz kún 35-38 gradýsqa deıin qyzady dep boljanady. Oblystyń ońtústiginde joǵary órt qaýpi saqtalady. Kókshetaýda 17 maýsymda kúndiz 36 gradýs qatty ystyq bolady dep kútiledi.

Kúndiz Túrkistan oblysynda synap baǵany 40-43 gradýsqa deıin kóteriledi dep kútiledi. Oblys boıynsha tótenshe órt qaýpi saqtalady. Shymkentte 17 maýsymda kúndiz 40-41 gradýs bolyp, tótenshe órt qaýpi saqtalady. Túrkistanda 17 maýsymda kúndiz 40-42 gradýs qatty ystyq bolyp, tótenshe órt qaýpi saqtalady.

Abaı oblysynyń batysynda, ońtústiginde naızaǵaı oınap, oblystyń batysynda, soltústiginde, ońtústiginde soltústikten, soltústik-shyǵystan jel soǵady, ekpini — 15-20 m/s. Kúndiz oblys boıynsha 35 gradýs qatty ystyq bolady dep kútiledi. Oblystyń soltústiginde, batysynda, shyǵysynda joǵary órt qaýpi, oblystyń soltústik-batysynda, ońtústiginde tótenshe órt qaýpi saqtalady. Semeıde 17 maýsymda joǵary órt qaýpi saqtalady.

Shyǵys Qazaqstan oblysynyń shyǵysynda, ońtústiginde naızaǵaı oınap, oblystyń soltústiginde, shyǵysynda, ońtústiginde batystan, soltústik-batystan jel soǵady, ekpini — 15-20 m/s. Oblystyń ońtústiginde, ortalyǵynda joǵary órt qaýpi, oblystyń ońtústik-shyǵysynda tótenshe órt qaýpi kútiledi.

Astanada 17 maýsymda kúndiz 35 gradýs qatty ystyq bolady dep kútiledi.

Túnde Aqtóbe oblysynyń soltústiginde, batysynda, ortalyǵynda, kúndiz soltústiginde, ońtústiginde, shyǵysynda naızaǵaı oınap, oblystyń ońtústiginde, shyǵysynda, ortalyǵynda soltústik-batystan jel soǵady, ekpini — 17-22 m/s. Aqtóbe oblysynda tótenshe órt qaýpi saqtalady. Aqtóbede 17 maýsymda keı ýaqyttarda naızaǵaı oınaıdy dep kútiledi. Tótenshe órt qaýpi saqtalady.

Kúndiz Qyzylorda oblysynyń soltústiginde shańdy daýyl turady, oblystyń soltústiginde batystan ońtústikkke oıysa soqqan jeldiń ekpini 15-20 m/s quraıdy. Kúndiz 40-44 gradýs qatty ystyq bolyp, tótenshe órt qaýpi saqtalady. Qyzylordada 17 maýsymda kúndiz 42-44 gradýs qatty ystyq bolyp, tótenshe órt qaýpi kútiledi.

Túnde jáne kúndiz Batys Qazaqstan oblysynyń batysynda, soltústiginde, ońtústiginde naızaǵaı oınap, burshaq túsedi dep kútiledi. Kúndiz oblystyń batysynda, ońtústiginde, shyǵysynda soltústik-shyǵystan jel soǵady, ekpini — 15-20 m/s. Oblystyń batysynda, shyǵysynda, soltústik-shyǵysynda joǵary órt qaýpi, oblystyń ońtústik-shyǵysynda tótenshe órt qaýpi saqtalady. Oralda 17 maýsymda naızaǵaı oınaıdy, kúndiz burshaq túsedi dep kútiledi.

Kúndiz Pavlodar oblysynda 35 gradýs qatty ystyq bolady dep kútiledi. Oblystyń batysynda, ońtústiginde joǵary órt qaýpi, oblystyń soltústik-batysynda tótenshe órt qaýpi saqtalady. Pavlodarda 17 maýsymda kúndiz 35 gradýs qatty ystyq bolady dep kútiledi.

Túnde Soltústik Qazaqstan oblysynyń batysynda, soltústiginde, kúndiz óńirdiń batysynda, soltústiginde, ońtústiginde naızaǵaı oınap, oblystyń batysynda, soltústiginde burshaq túsedi, daýyl turady dep kútiledi. Oblystyń batysynda, soltústiginde ońtústikten, ońtústik-batystan soqqan jeldiń ekpini 15-20 m/s, keı tusta 25 m/s deıin jetedi. Kúndiz 35 gradýs qatty ystyq bolady dep kútiledi. Oblystyń soltústiginde joǵary órt qaýpi saqtalady. Petropavlda kúndiz naızaǵaı oınap, daýyl turady dep kútiledi. Ońtústikten, ońtústik-batystan soqqan jeldiń ekpini 15-20 m/s, keı tusta 25 m/s deıin jetedi. Kúndiz 35 gradýs qatty ystyq bolady dep kútiledi. Joǵary órt qaýpi saqtalady.

Mańǵystaý oblysynyń batysynda, soltústiginde, shyǵysynda naızaǵaı oınaıdy dep kútiledi. Oblystyń batysynda, soltústiginde, shyǵysynda soltústik-batystan jel soǵady, ekpini — 15-20 m/s. Oblystyń soltústik-batysynda, ońtústiginde, ortalyǵynda joǵary órt qaýpi, oblystyń soltústiginde, shyǵysynda, ońtústik-shyǵysynda tótenshe órt qaýpi saqtalady. Aqtaýda 17 maýsymda túnde naızaǵaı oınap, soltústik-batystan jel soǵady, kúndizgi ekpini 15-20 m/s bolady dep kútiledi.

Qostanaı oblysyńyń batysynda, soltústiginde, ońtústiginde naızaǵaı oınap, burshaq túsedi dep kútiledi. Oblystyń batysynda, ońtústiginde, shyǵysynda ońtústik-batystan jel soǵady, ekpini — 15-20 m/s. Kúndiz oblystyń ońtústiginde 37 gradýs qatty ystyq bolady dep kútiledi. Oblystyń soltústiginde joǵary órt qaýpi, oblystyń ońtústiginde tótenshe órt qaýpi saqtalady. Qostanaıda 17 maýsymda tańerteń jáne kúndiz naızaǵaı oınaıdy, ońtústik-batystan soqqan jeldiń ekpini 15-20 m/s quraıdy. Joǵary órt qaýpi saqtalady.

Kúndiz Jambyl oblysynyń taýly aýdandarynda naızaǵaı oınap, oblys boıynsha 40 gradýs qatty ystyq bolady dep kútiledi. Oblys boıynsha tótenshe órt qaýpi, oblystyń shyǵysynda joǵary órt qaýpi saqtalady. Tarazda 17 maýsymda tótenshe órt qaýpi saqtalady.

17-19 maýsymda kúndiz Almaty oblysynda 35-39 gradýs qatty ystyq bolady dep kútiledi. Almatyda 17-19 maýsymda kúndiz 35-39 gradýs qatty ystyq bolady dep boljanady. Qonaevta da 17-18 maýsymda kúndiz synap baǵany 35-39 gradýsqa deıin kóteriledi dep kútiledi.