Áleýmet jáne qoǵamJańalyqtar
«Kún, sý sıqyry». Elordadaǵy mádenıet basqarmasynyń eks-basshysy sotta ózin aqtaýdy surady
Foto: Úkimet
Astana qalasynyń mádenıet basqarmasynyń burynǵy basshysy Bolat Majaǵulov pen qurylys kompanııasynyń basshysy Mádı Qanapın osy jyldyń qańtar aıynda buǵan deıin ózderine qatysty shyǵarylǵan sot úkimine qarsy apellıaııalyq shaǵym túsirdi. Advokattar olardy aqtap, bas bostandyǵynan aıyrýmen baılanysty emes jaza taǵaıyndaýdy suraıdy, dep habarlaıdy qandastar.kz Dalanews.kz-ke silteme jasap.
Aıta ketsek, Astana qalasynyń qylmystyq ister jónindegi aýdanaralyq sotynyń 2025 jylǵy 31 qańtardaǵy úkimimen eks-sheneýnik óziniń qyzmet babyn paıdalana otyryp, adamdar tobynyń aldyn ala sóz baılasýymen, asa iri mólsherde senip tapsyrylǵan bıýdjet qarajatyn talan-tarajǵa saldy degen aıyppen 8 jyl 6 aı merzimge bas bostandyǵynan aıyrylǵan. Sondaı-aq oǵan kómektesip, senip tapsyrylǵan bıýdjet qarajatyn asa iri mólsherde talan-tarajǵa salýǵa járdemdesý faktisi boıynsha qurylys kompanııasynyń ókili de kináli dep tanylyp, ol 3 jyl 6 aı merzimge bas bostandyǵynan aıyryldy.
Sottalǵandarǵa memlekettik jáne kvazımemlekettik sektorda qyzmet atqarý quqyǵynan ómir boıyna aıyrý túrindegi qosymsha jaza taǵaıyndalǵan.
Sondaı-aq Astana qalasynyń Mádenıet basqarmasy» MM-niń paıdasyna ortaq tártipte sottalǵandardan 1 mlrd teńgeden astam múliktik zalal óndirilgen.
«Apellıaııalyq satymen sot úkimi ózgerissiz qaldyryldy. Aıyptalýshylardyń kinási kýágerlerdiń aıǵaqtarymen, taýartaný zertteýiniń qorytyndylarymen, mamanmen, sarapshymen, aýdıtor, sondaı-aq jasyryn tergeý áreketteriniń materıaldarymen rastaldy», delingen Astana sottary baspasóz qyzmetiniń habarlamasynda.
Sot aktisi zańdy kúshine endi.
Buǵan deıin Majaǵqlovtyń memlekettik mekeme basshysy bola otyryp, sybaılasymen 2016 jyly Esil ózeniniń jaǵalaýyndaǵy «Kún» sýburqaǵynyń qurylysyn qosa alǵanda, «Sý sıqyry» jáne «Esil ózenindegi jaryq ıllıýmınaııasy men otshashý shoýy» sharasyn ótkizýge bólingen bıýdjet qarajatyn smetalyq baǵany arttyrý, arzandaý jáne sapasy tómen materıaldardy qoldaný arqyly talan-tarajǵa salyp, memleketke 1 mlrd teńgeden astam, asa iri mólsherde zalal keltirgeni habarlanǵan.
