«كۇنىنە ميلليون تەڭگە الادى»: ايگۇل يمانباەۆا بايان ماقساتقىزىنىڭ كينوداعى گونورارىن جاريالادى

فوتو: جەكە قورىنان

تانىمال اكتريسا ايگۇل يمانباەۆا ارىپتەسى, اكتريسا بايان ماقساتقىزىنىڭ ءبىر فيلمگە قانشا گونورار الاتىنىن ايتتى. بۇل تۋرالى qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

قوس تالانت يەلەرى “كوكە” فيلمىندە بوي كورسەتتى. كينونىڭ پروديۋسەرى ايگۇل يمانباەۆا قۇربى ەكەندەرىن العا تارتىپ, اكتريساعا ءبىر تيىن دا تولەمەگەن.

«ماسقارا بولعاندا, بايانعا ءبىر تيىن تولەگەن جوقپىن. جالپى بايان تۇسىرىلىم الاڭىندا كۇنىنە ميلليون تەڭگە الادى. ەڭ قىمبات اكتريسا. بىراق بايانمەن 25 جىلدىق دوستىعىمىز بار. «ايگۇل, مەن كەلەمىن» دەدى. «مەن سەنىڭ ءبىر كينوڭا جوق دەمەدىم» دەپ كوزىمدى الارتىپ باستاپ ەدىم, «جاقسى, جارايدى ءتۇسىندىم, مەن بارامىن» دەدى. سولاي كەلدى», – دەدى ايگۇل يمانباەۆا.

سونىمەن قاتار بايان الاگوزوۆاعا وسى جىلى كينوعا ءتۇسۋ بويىنشا 10 ۇسىنىس كەلگەن. ول تەك «كوكە» ءفيلمىنىڭ شاقىرتۋىن قابىل العان.

«ۇسىنىسىن قابىلداۋىما ءبىرىنشى سەبەپ – ايگۇل يمانباەۆا مەنىڭ جان دوسىم. «كوكە» ءفيلمىنىڭ تۇسىرىلىمىنە ءۇش كۇن قالعاندا «شۇعىل, قۇتقار, ماعان سەنىڭ كومەگىڭ كەرەك» دەپ حابارلاستى. ءۇش كۇن عانا تۇسەسىڭ دەگەن كينوسىنا سەگىز كۇن ءتۇستىم», – دەدى بايان ماقساتقىزى.

ەسكە سالايىق, «ەركەلىكتىڭ قانداي بولاتىنىن ۇيرەتتىڭ» دەپ ايگۇل يمانباەۆا كۇيەۋىنە ارناپ جازبا جاريالاعان ەدى.