«Kúnine mıllıon teńge alady»: Aıgúl Imanbaeva Baıan Maqsatqyzynyń kınodaǵy gonoraryn jarııalady

Foto: jeke qorynan

Tanymal aktrısa Aıgúl Imanbaeva áriptesi, aktrısa Baıan Maqsatqyzynyń bir fılmge qansha gonorar alatynyn aıtty. Bul týraly qandastar.kz  Stan.kz aqparat agenttigine silteme jasap habarlaıdy.

Qos talant ıeleri “Kóke” fılminde boı kórsetti. Kınonyń prodıýseri Aıgúl Imanbaeva qurby ekenderin alǵa tartyp, aktrısaǵa bir tıyn da tólemegen.

«Masqara bolǵanda, Baıanǵa bir tıyn tólegen joqpyn. Jalpy Baıan túsirilim alańynda kúnine mıllıon teńge alady. Eń qymbat aktrısa. Biraq Baıanmen 25 jyldyq dostyǵymyz bar. «Aıgúl, men kelemin» dedi. «Men seniń bir kınońa joq demedim» dep kózimdi alartyp bastap edim, «Jaqsy, jaraıdy túsindim, men baramyn» dedi. Solaı keldi», – dedi Aıgúl Imanbaeva.

Sonymen qatar Baıan Alagózovaǵa osy jyly kınoǵa túsý boıynsha 10 usynys kelgen. Ol tek «Kóke» fılminiń shaqyrtýyn qabyl alǵan.

«Usynysyn qabyldaýyma birinshi sebep – Aıgúl Imanbaeva meniń jan dosym. «Kóke» fılminiń túsirilimine úsh kún qalǵanda «Shuǵyl, qutqar, maǵan seniń kómegiń kerek» dep habarlasty. Úsh kún ǵana túsesiń degen kınosyna segiz kún tústim», – dedi Baıan Maqsatqyzy.

Eske salaıyq, «Erkeliktiń qandaı bolatynyn úırettiń» dep Aıgúl Imanbaeva kúıeýine arnap jazba jarııalaǵan edi.