«قۇنى 2 ميلليارد تەڭگە»: نازارباەۆتىڭ «ايەلدەرى» مەن تۋىستارىنىڭ دۋبايدا قانداي ۇيلەرى بار?

فوتو: Stan.kz

قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ تۋىس-جاقىن, قۇدا-جەكجاتتارىنىڭ  باا-دەگى جىلجىمايتىن م ۇلىكتەرىن “ازاتتىق راديوسى” تۇگەندەدى. شەتەلدەگى ەليتالىق پاتەرلەر مەن ءۇي يەلەرىنىڭ قاتارىندا نازارباەۆتىڭ ازاماتتىق نەكەدەگى ايەلدەرى اسەل قۇرمانباەۆا مەن گۇلنار راقىشەۆا جانە قۇداسى بەرىك يماشەۆ تا بار. بۇل تۋرالى qandastar.kz اقپارات اگەنتتىگى حابارلايدى.

ءاليا نازارباەۆا

238 ادامنىڭ ءومىرىن قيعان “قاڭتار وقيعاسى” كەزىندە نازارباەۆتىڭ كەنجە قىزى ءاليا نازارباەۆا Instagram الەۋمەتتىك جەلىسىندە حالىقتى سابىرعا شاقىرىدى. جەلى قولدانۋشىلارى گەولوكاتسياعا قاراپ, جازبانىڭ بىرىككەن اراب امىرلىگىندە جاريالانعانىن انىقتادى. بۇل ارەكەتىنەن كەيىن سىننىڭ استىندا قالعان ول جازباسىن ءوشىرىپ تاستادى.

ال بريتاندىق «Telegraph» باسىلىمى ءاليا نازارباەۆانىڭ قازاقستاننان 300 ميلليون دوللار الىپ كەتكەنىن جازدى. بۇل اقشاعا جەكە ۇشاق, لوندون مەن دۋبايداعى سارايلار ساتىپ الىنعان. جۋرناليستەردىڭ جۇرگىزگەن زەرتتەۋ ناتيجەسىندە بۇل سومانىڭ 14 ميلليون دوللارى دۋبايدان ۆيللا مەن بىرنەشە ءۇي ساتىپ الۋعا جۇمسالعانى بەلگىلى بولدى.

فوتو: Reuters

اسەل قۇرمانباەۆا

دۋبايداعى قىمبات ءۇي يەلەرىنىڭ قاتارىندا ءبىرىنشى پرەزيدەنتتىڭ ازاماتتىق نەكەدەگى ايەلى اسەن قۇرمانباەۆا دا بار. ونىڭ  Palm Jumeirah ارالىنداعى “Aquamarine Residence-31 كەشەنىنىڭ ەكىنشى قاباتىندا ۇش بولمەلى پاتەرى بار بولىپ شىقتى. نىساننىڭ اۋدانى 210 شارشى مەترگە تەڭ. جىلجىمايتىن م ۇلىكتىڭ نارىقتاعى قۇنى 900 ميلليون تەڭگەدەن (2 ميلليون دوللار) باستالادى. ءۇيدىڭ جانىندا باسسەين بار, ال اۋماعىندا ينفراقۇرىلىم ايتارلىقتاي دامىعان.

اسەل قۇرمانباەۆا «استانا بالەت» تەاترىنىڭ ارت-جەتەكشىسى (قۇجاتتاردا ونىڭ تەگى قۇرمانباەۆا دەپ كورسەتىلگەن, بىراق تەاتر سايتىندا يساباەۆا دەپ كورسەتىلگەن). ونىڭ ەسىمى وففشورلىق كومپانيالار ارقىلى 30 ميلليون دوللار العانى تۋرالى حالىقارالىق تەرگەۋدە دە اتالعان.

فوتو: Astanaballet.com

گۇلنار راقىشەۆا

نازارباەۆتىڭ تاعى ءبىر ازاماتتىق نەكەدەگى ايەلى, ەكى قىزىنىڭ اناسى گۇلنار راقىشەۆا دا دۋبايداعى “Dubai Pearl” جوباسىنا ينۆەستيتسيا سالعان. ونىڭ قۇرىلىسى 2002 جىلى باستالىپ, 2009 جىلى توقتاپ قالدى. بىلتىر عيمارات اياقتالماي جاتىپ ءسۇرىلدى. راقىشەۆا سالعان ينۆەستيتسياسىن قايتاردى ما, الدە جاڭا جوباعا قاتىسۋدى جوسپارلاپ وتىر ما, ول جاعى بەلگىسىز. جاقىندا ونىڭ الەۋمەتتىك جەلىدەگى پاراقشاسىندا “كاسىپ باستاپ, جۇمىس جاساۋ” تۋرالى جازبا پايدا بولدى.

فوتو: ۆيدەودان سكرين

قايرات ساتىبالدى

ال نازارباەۆتىڭ جيەنى قايرات ساتىبالدىنىڭ دۋبايدا بىرنەشە پاتەرى بار. پاتەرلەر جاعالاۋداعى Shams-4 تۇرعىن ءۇي كەشەنىندە ورنالاسقان. قايرات ساتىبالدى 2022 جىلى 6 جىلعا باس بوستاندىعىنان ايىرىلدى, الايدا 2024 جىلى مەرزىمىنەن بۇرىن بوساپ شىقتى. C4ADS مالىمەتىنشە, ونىڭ ءبىر پاتەرى ءوزىنىڭ اتىنا, ۇشەۋى ازاماتتىق نەكەدەگى ايەلى اسەل باقتيارقىزىنىڭ اتىنا تىركەلگەن. تاعى ەكى پاتەر ساتىبالدانىڭ ايەلدەرىنىڭ ءبىرى ءارى بيزنەس سەرىكتەسى سانالاتىن سايدا قاناتبەكقىزىنا تيەسىلى.

قايرات ساتىبالدىنىڭ اناسى سۆەتلانا نازارباەۆا ۇلىمەن, ونىڭ ازاماتتىق نەكەدەگى ايەلدەرىمەن, ءتىپتى نەمەرەلەرىمەن كورشى تۇرۋى مۇمكىن. ونىڭ دا دۋبايدا جىلجىمايتىن مۇلكى بار. 75 جاستاعى نازارباەۆانىڭ كەشەننىڭ ەكىنشى قاباتىندا تۇردى. ساتىبالدى اۋلەتىنە تيەسىلى جەتى پاتەر نارىقتا شامامەن ەكى ميلليارد تەڭگەگە باعالانىپ وتىر.

فوتو: the-village-kz.com

التاي ق ۇلىباەۆ

نۇرسۇلتان نازارباەۆتىڭ قىزى مەن كۇيەۋ بالاسى دينارا جانە تيمۋر كۋليباەۆ قازاقستانداعى ەڭ باي ادامداردىڭ قاتارىندا. Forbes-ءتىڭ مالىمەتىنشە ولاردىڭ بايلىعى 10 ميلليارد دوللارعا باعالانىپ وتىر. ولاردىڭ ۇلى التاي ق ۇلىباەۆ دۋبايدا Palm Jumeirah ارالىنداعى “Marina Residences” تۇرعىن ءۇي كەشەنىندە ورنالاسقان پاتەرگە يە. 14-قاباتتا ورنالاسقان پاتەردىڭ جالپى اۋدانى – 633 شارشى مەتر. ونىڭ نارىقتاعى قۇنى ەكى ميلليارد تەڭگەدەن اسادى.

فوتو: Fjona Hill/دينارا, تيمۋر, التاي ق ۇلىباەۆ

رايسا جانە امانبەك ق ۇلىباەۆ

C4ADS جىلجىمايتىن م ۇلىك تىزىلىمىنە سايكەس, 2020 جىلدان 2022 جىلعا دەيىنگى كەزەڭدە قۇجاتتا قايتىس بولعان ءۇي يەلەرىنىڭ اتى-ءجونى كورسەتىلگەن.  Palm Jumeirah ارالىنداعى Al-Sultana كەشەنىندەگى پاتەر تيمۋر ق ۇلىباەۆتىڭ اناسى, ەكس-پرەزيدەنتتىڭ قۇدا-قۇداعيى رايسا ق ۇلىباەۆانىڭ اتىنا, ال Abu Keibal-داعى پاتەر ونىڭ اعاسى امانبەك ق ۇلىباەۆتىڭ اتىنا تىركەلگەن. بۇل نىسانداردىڭ باعاسى ءبىر ميلليارد تەڭگە, ياعني 2,4 ميلليون دوللاردان اسادى. يەلەرى قايتىس بولعان سوڭ ولاردىڭ مۇلكىمەن نە بولعانى بەلگىسىز. ەليتالىق پاتەر مۇراگەرگە ءوتۋى نەمەسە ساتىلىپ كەتۋى مۇمكىن.

بەكسۇلتان ق ۇلىباەۆ

قاندى قاڭتار كەزىندە بەكسۇلتان ق ۇلىباەۆ الەۋمەتتىك جەلىدە ۆيدەو جاريالادى. ۆيدەودا ول “سەندەردە اتىس بولىپ جاتقان جوق پا? ابۋ-دابيدە اتىس باستالدى” دەپ سۇرادى. وسى بەينەجازبادان سوڭ بەكسۇلتان ق ۇلىباەۆ سىننىڭ استىندا قالدى.

بەكسۇلتان ق ۇلىباەۆ – تالعات ق ۇلىباەۆتىڭ ۇلى, تيمۋر ق ۇلىباەۆتىڭ ءىنىسى. ونىڭ Palm Jumeirah ارالىندا Al-Sarood تۇرعىن ءۇي كەشەنىندە قۇنى 500 ميلليون تەڭگە بولاتىن پاتەرى بار.

فوتو: اشىق دەرەككوزدەن

تالعات ق ۇلىباەۆ

جىلجىمايتىن م ۇلىك تىزىلىمىندە تالعات ق ۇلىباەۆتىڭ ەسىمى جازىلعان. ول – بەكسۇلتاننىڭ اكەسى, تيمۋر ق ۇلىباەۆتىڭ ۇلكەن اعاسى. تالعات شەتەلدەن 30-قاباتتان اۋدانى 861 شارشى مەتر پاتەر ساتىپ الىپ, قۇرىلىسى توقتاعان Dubai Pearl جوباسىنا ينۆەستيتسيا سالعان. قۇرىلىس توقتاتىلعاننان كەيىن بۇل م ۇلىكپەن ارى قاراي نە بولعانى بەلگىسىز.

تالعات ق ۇلىباەۆ قۇقىق قورعاۋ سالاسىندا قىزمەت ەتتى. 2010-2018 جىلدار ارالىعىندا الماتى جانە جامبىل وبلىستارىنىڭ ىشكى ىستەر دەپارتامەنتتەرىن باسقاردى, سونىمەن قاتار ىشكى ىستەر مينيسترلىگى اكادەمياسىنىڭ باستىعى قىزمەتىندە بولدى.

فوتو: repost.news

جانار سەيدۋاليەۆا مەن قورلان شارىپباەۆا

ءبىرىنشى پرەزيدەنتتىڭ ۇلكەن قىزى داريعا نازارباەۆا “قاڭتار وقيعاسىنان” كەيىن ەش جەردە بوي كورسەتپەدى. وسىلايشا ول پرالامەنتتەن كەتسە, ونىڭ ازاماتتىق نەكەدەگى كۇيەۋى سانالاتىن قايرات شارىپباەۆ QazaqGaz كومپانياسىنىڭ باسشىلىق قىزمەتىن بوساتتى. ونىڭ بۇرىنعى ايەلى جانار سەيدۋاليەۆا تۋرالى كوپ اقپارات جوق. ول Palm Jumeirah ارالىندا ورنالاسقان The Residence South تۇرعىن ءۇي كەشەنىندەگى قۇنى شامامەن 1,5 ميلليارد تەڭگە (3,5 ميلليون دوللار) تۇراتىن 328 شارشى مەترلىك پاتەردىڭ يەسى رەتىندە تىركەلگەن. 2015 جىلعى قۇجاتتاردا جانار سەيدۋاليەۆا مەن قايرات شارىپباەۆ ەرلى-زايىپتىلار رەتىندە كورسەتىلگەن, بىراق 2017 جىلى بۇل اقپارات الىنىپ تاستالدى.

قايرات شارىپباەۆتىڭ قىزى قورلان شارىپباەۆا دا اۋدانى 195 شارشى مەترگە تەڭ, اناسىنىڭ پاتەرىنىڭ جانىنان پاتەر ساتىپ الدى. ونىڭ مۇلكى 550 ميلليون تەڭگەدەن (1,25 ميلليون دوللار) اسادى. شارىپباەۆ QazaqGaz-تان كەتكەننەن كەيىن كومپانيادان قۇنى 937 ميلليارد تەڭگە بولاتىن قۇقىق بۇزۋشىلىقتاردى انىقتالدى.

بەرىك يماشەۆتىڭ وتباسى

جىلجىمايتىن م ۇلىك ءتىزىلىمىنىڭ مالىمەتتەرى بويىنشا, داريعا نازارباەۆانىڭ قۇداسىنىڭ دا دۋبايدا جىلجىمايتىن مۇلكى بار. ونىڭ ۇلكەن ۇلى ءنۇرالى اليەۆ ورتالىق سايلاۋ كوميسسياسىنىڭ بۇرىنعى باسشىسى بەرىك يماشەۆتىڭ قىزى ايدا يماشەۆاعا ۇيلەندى. ResidenceSouth كەشەنىندەگى اۋدانى 160 شارشى مەترلىك, باعاسى كەمىندە جارتى ميلليارد تەڭگە (1,1 ميلليون دوللار) بولاتىن پاتەر ءنۇرالى اليەۆتىڭ ەنەسى لەيلا ادايبەكوۆانىڭ اتىنا تىركەلگەن.

C4ADS مالىمەتىنشە, بەرىك يماشەۆتىڭ ۇلى ءالجان سول عيماراتتا كولەمى 483 شارشى مەتر, قۇنى ميلليارد تەڭگەدەن اساتىن كەڭ بىرنەشە پاتەرگە يەلىك ەتەدى. الجان يماشەۆ قاڭتار وقيعاسىنان كەيىن قتج – جۇك تاسىمالى كاسىپورنى ديرەكتورىنىڭ ورىنباسارى قىزمەتىنەن كەتتى.