«Quny 2 mıllıard teńge»: Nazarbaevtyń «áıelderi» men týystarynyń Dýbaıda qandaı úıleri bar?

Foto: Stan.kz

Qazaqstannyń tuńǵysh prezıdenti Nursultan Nazarbaevtyń týys-jaqyn, quda-jekjattarynyń  BAÁ-degi jyljymaıtyn múlikterin “Azattyq radıosy” túgendedi. Sheteldegi elıtalyq páterler men úı ıeleriniń qatarynda Nazarbaevtyń azamattyq nekedegi áıelderi Ásel Qurmanbaeva men Gúlnar Raqysheva jáne qudasy Berik Imashev ta bar. Bul týraly qandastar.kz aqparat agenttigi habarlaıdy.

Álııa Nazarbaeva

238 adamnyń ómirin qıǵan “Qańtar oqıǵasy” kezinde Nazarbaevtyń kenje qyzy Álııa Nazarbaeva Instagram áleýmettik jelisinde halyqty sabyrǵa shaqyrydy. Jeli qoldanýshylary geolokaııaǵa qarap, jazbanyń Birikken Arab Ámirliginde jarııalanǵanyn anyqtady. Bul áreketinen keıin synnyń astynda qalǵan ol jazbasyn óshirip tastady.

Al brıtandyq «Telegraph» basylymy Álııa Nazarbaevanyń Qazaqstannan 300 mıllıon dollar alyp ketkenin jazdy. Bul aqshaǵa jeke ushaq, London men Dýbaıdaǵy saraılar satyp alynǵan. Jýrnalısterdiń júrgizgen zertteý nátıjesinde bul somanyń 14 mıllıon dollary Dýbaıdan vılla men birneshe úı satyp alýǵa jumsalǵany belgili boldy.

Foto: Reuters

Ásel Qurmanbaeva

Dýbaıdaǵy qymbat úı ıeleriniń qatarynda birinshi prezıdenttiń azamattyq nekedegi áıeli Ásen Qurmanbaeva da bar. Onyń  Palm Jumeirah aralyndaǵy “Aquamarine Residence-31 kesheniniń ekinshi qabatynda úsh bólmeli páteri bar bolyp shyqty. Nysannyń aýdany 210 sharshy metrge teń. Jyljymaıtyn múliktiń naryqtaǵy quny 900 mıllıon teńgeden (2 mıllıon dollar) bastalady. Úıdiń janynda basseın bar, al aýmaǵynda ınfraqurylym aıtarlyqtaı damyǵan.

Ásel Qurmanbaeva «Astana Balet» teatrynyń art-jetekshisi (qujattarda onyń tegi Qurmanbaeva dep kórsetilgen, biraq teatr saıtynda Isabaeva dep kórsetilgen). Onyń esimi offshorlyq kompanııalar arqyly 30 mıllıon dollar alǵany týraly halyqaralyq tergeýde de atalǵan.

Foto: Astanaballet.com

Gúlnár Raqysheva

Nazarbaevtyń taǵy bir azamattyq nekedegi áıeli, eki qyzynyń anasy Gúlnár Raqysheva da Dýbaıdaǵy “Dubai Pearl” jobasyna ınvestıııa salǵan. Onyń qurylysy 2002 jyly bastalyp, 2009 jyly toqtap qaldy. Byltyr ǵımarat aıaqtalmaı jatyp súrildi. Raqysheva salǵan ınvestıııasyn qaıtardy ma, álde jańa jobaǵa qatysýdy josparlap otyr ma, ol jaǵy belgisiz. Jaqynda onyń áleýmettik jelidegi paraqshasynda “kásip bastap, jumys jasaý” týraly jazba paıda boldy.

Foto: Vıdeodan skrın

Qaırat Satybaldy

Al Nazarbaevtyń jıeni Qaırat Satybaldynyń Dýbaıda birneshe páteri bar. Páterler jaǵalaýdaǵy Shams-4 turǵyn úı kesheninde ornalasqan. Qaırat Satybaldy 2022 jyly 6 jylǵa bas bostandyǵynan aıyryldy, alaıda 2024 jyly merziminen buryn bosap shyqty. C4ADS málimetinshe, onyń bir páteri óziniń atyna, úsheýi azamattyq nekedegi áıeli Ásel Baqtııarqyzynyń atyna tirkelgen. Taǵy eki páter Satybaldanyń áıelderiniń biri ári bıznes seriktesi sanalatyn Saıda Qanatbekqyzyna tıesili.

Qaırat Satybaldynyń anasy Svetlana Nazarbaeva ulymen, onyń azamattyq nekedegi áıelderimen, tipti nemerelerimen kórshi turýy múmkin. Onyń da Dýbaıda jyljymaıtyn múlki bar. 75 jastaǵy Nazarbaevanyń keshenniń ekinshi qabatynda turdy. Satybaldy áýletine tıesili jeti páter naryqta shamamen eki mıllıard teńgege baǵalanyp otyr.

Foto: the-village-kz.com

Altaı Qulybaev

Nursultan Nazarbaevtyń qyzy men kúıeý balasy Dınara jáne Tımýr Kýlıbaev Qazaqstandaǵy eń baı adamdardyń qatarynda. Forbes-tiń málimetinshe olardyń baılyǵy 10 mıllıard dollarǵa baǵalanyp otyr. Olardyń uly Altaı Qulybaev Dýbaıda Palm Jumeirah aralyndaǵy “Marina Residences” turǵyn úı kesheninde ornalasqan páterge ıe. 14-qabatta ornalasqan páterdiń jalpy aýdany – 633 sharshy metr. Onyń naryqtaǵy quny eki mıllıard teńgeden asady.

Foto: Fjona Hill/Dınara, Tımýr, Altaı Qulybaev

Raısa jáne Amanbek Qulybaev

C4ADS jyljymaıtyn múlik tizilimine sáıkes, 2020 jyldan 2022 jylǵa deıingi kezeńde qujatta qaıtys bolǵan úı ıeleriniń aty-jóni kórsetilgen.  Palm Jumeirah aralyndaǵy Al-Sultana keshenindegi páter Tımýr Qulybaevtyń anasy, eks-prezıdenttiń quda-qudaǵıy Raısa Qulybaevanyń atyna, al Abu Keibal-daǵy páter onyń aǵasy Amanbek Qulybaevtyń atyna tirkelgen. Bul nysandardyń baǵasy bir mıllıard teńge, ıaǵnı 2,4 mıllıon dollardan asady. Ieleri qaıtys bolǵan soń olardyń múlkimen ne bolǵany belgisiz. Elıtalyq páter muragerge ótýi nemese satylyp ketýi múmkin.

Beksultan Qulybaev

Qandy qańtar kezinde Beksultan Qulybaev áleýmettik jelide vıdeo jarııalady. Vıdeoda ol “Senderde atys bolyp jatqan joq pa? Abý-Dabıde atys bastaldy” dep surady. Osy beınejazbadan soń Beksultan Qulybaev synnyń astynda qaldy.

Beksultan Qulybaev – Talǵat Qulybaevtyń uly, Tımýr Qulybaevtyń inisi. Onyń Palm Jumeirah aralynda Al-Sarood turǵyn úı kesheninde quny 500 mıllıon teńge bolatyn páteri bar.

Foto: Ashyq derekkózden

Talǵat Qulybaev

Jyljymaıtyn múlik tiziliminde Talǵat Qulybaevtyń esimi jazylǵan. Ol – Beksultannyń ákesi, Tımýr Qulybaevtyń úlken aǵasy. Talǵat shetelden 30-qabattan aýdany 861 sharshy metr páter satyp alyp, qurylysy toqtaǵan Dubai Pearl jobasyna ınvestıııa salǵan. Qurylys toqtatylǵannan keıin bul múlikpen ary qaraı ne bolǵany belgisiz.

Talǵat Qulybaev quqyq qorǵaý salasynda qyzmet etti. 2010-2018 jyldar aralyǵynda Almaty jáne Jambyl oblystarynyń ishki ister departamentterin basqardy, sonymen qatar Ishki ister mınıstrligi Akademııasynyń bastyǵy qyzmetinde boldy.

Foto: repost.news

Janar Seıdýalıeva men Qorlan Sháripbaeva

Birinshi prezıdenttiń úlken qyzy Darıǵa Nazarbaeva “Qańtar oqıǵasynan” keıin esh jerde boı kórsetpedi. Osylaısha ol pralamentten ketse, onyń azamattyq nekedegi kúıeýi sanalatyn Qaırat Sháripbaev QazaqGaz kompanııasynyń basshylyq qyzmetin bosatty. Onyń burynǵy áıeli Janar Seıdýalıeva týraly kóp aqparat joq. Ol Palm Jumeirah aralynda ornalasqan The Residence South turǵyn úı keshenindegi quny shamamen 1,5 mıllıard teńge (3,5 mıllıon dollar) turatyn 328 sharshy metrlik páterdiń ıesi retinde tirkelgen. 2015 jylǵy qujattarda Janar Seıdýalıeva men Qaırat Sháripbaev erli-zaıyptylar retinde kórsetilgen, biraq 2017 jyly bul aqparat alynyp tastaldy.

Qaırat Sháripbaevtyń qyzy Qorlan Sháripbaeva da aýdany 195 sharshy metrge teń, anasynyń páteriniń janynan páter satyp aldy. Onyń múlki 550 mıllıon teńgeden (1,25 mıllıon dollar) asady. Sháripbaev QazaqGaz-tan ketkennen keıin kompanııadan quny 937 mıllıard teńge bolatyn quqyq buzýshylyqtardy anyqtaldy.

Berik Imashevtiń otbasy

Jyljymaıtyn múlik tiziliminiń málimetteri boıynsha, Darıǵa Nazarbaevanyń qudasynyń da Dýbaıda jyljymaıtyn múlki bar. Onyń úlken uly Nuráli Álıev Ortalyq saılaý komıssııasynyń burynǵy basshysy Berik Imashevtyń qyzy Aıda Imashevaǵa úılendi. ResidenceSouth keshenindegi aýdany 160 sharshy metrlik, baǵasy keminde jarty mıllıard teńge (1,1 mıllıon dollar) bolatyn páter Nuráli Álıevtiń enesi Leıla Adaıbekovanyń atyna tirkelgen.

C4ADS málimetinshe, Berik Imashevtyń uly Áljan sol ǵımaratta kólemi 483 sharshy metr, quny mıllıard teńgeden asatyn keń birneshe páterge ıelik etedi. Áljan Imashev qańtar oqıǵasynan keıin QTJ – Júk tasymaly kásiporny dırektorynyń orynbasary qyzmetinen ketti.