Quny mıllıondaǵan jalǵan ónim: tańbalanbaǵan ónimder tárkilendi

Foto: ashyq derekkóz

Quny mıllıondaǵan jalǵan ónim: tańbalanbaǵan ónimder tárkilendi, dep jazdy qandastar.kz

Almaty qalasy boıynsha Memlekettik kirister departamenti (MKD) Túrksib jáne Almaly aýdandary boıynsha memlekettik kirister basqarmalarymen birlesip, akızdeletin ónimderdiń zańsyz aınalymyn anyqtaý maqsatynda qala bazarlarynda aýqymdy tekserýler júrgizdi. Nátıjesinde jalpy quny 13 783 760 teńgeni quraıtyn ıfrlyq kodpen tańbalanbaǵan temeki ónimderi tárkilendi.

Eske salaıyq, Qazaqstanda temeki ónimderin mindetti ıfrlyq tańbalaý 2020 jyldyń 1 qazanynan bastap engizilgen bolatyn. Bul sharanyń maqsaty – ónimniń zańsyz aınalymymen kúresý, tutynýshylardyń quqyqtaryn qorǵaý jáne naryqtyń ashyqtyǵyn qamtamasyz etý. Tańbalanbaǵan ónimderdi paıdalaný ákimshilik sharalarǵa ákep soǵatyn zań buzýshylyq bolyp tabylady.

Tańbalaý memleketke naryqty baqylaýǵa, salyq túsimderin arttyrýǵa jáne kóleńkeli ekonomıkamen kúresýge múmkindik beredi; bıznes úshin ol – kontrafaktilik ónimderden qorǵaý, brendke degen senimdi arttyrý jáne logıstıkany ońtaılandyrýdyń quraly; tutynýshylar úshin ol – taýarlardyń sapasyna kepildik berý, taýar týraly senimdi aqparat jáne Qazaqstan halqynyń densaýlyǵyn saqtaýdyń kepili.

Búgingi tańda taýarlardy tańbalaý jáne qadaǵalaý aqparattyq júıesinde temeki ónimderiniń aınalymyna 45 893 qatysýshy tirkelgen, onyń ishinde: 208 ımporttaýshy, 4 óndirýshi, 759 kóterme jáne 43 782 bólshek saýda ókili.

Tekserýlerdiń nátıjeleri

«Almaty-1», «Túrksib», «Jetisý-Semıreche», «Barys» jáne «Juldyz» bazarlarynda júrgizilgen tekserýler barysynda zańsyz aınalymnan kelesi ónimder tárkilendi:

• 20 780 qorap kontrafaktilik temeki;
• 73 qorap kalıandy tańbalanbaǵan temeki.

Zańsyz temekiniń sapasy baqylanbaǵandyqtan, onyń quramynda aýyr metaldar, pestııdter jáne basqa da zııandy lastaýshy zattardy qosa alǵanda, aýyr syrqattaný qaýpin arttyratyn ýly zattardyń joǵary deńgeıi bar ekeni belgili.

Bul áreketter Qazaqstan Respýblıkasynyń «Ákimshilik quqyq buzýshylyq týraly» Kodeksiniń 283-babynyń 2-bóliginde kózdelgen quqyq buzýshylyq bolyp tabylady. Mundaı quqyq buzýshylyqtar úshin 150-den 500-ge deıingi aılyq eseptik kórsetkish (AEK) mólsherinde aıyppul túrinde ákimshilik jaýapkershilik qarastyrylǵan. Aıyppul mólsheri sot sheshimimen anyqtalady.

Memlekettik kirister komıtetiniń málimetinshe, Qazaqstanǵa ákelinetin tańbalanbaǵan temeki ónimderiniń negizgi kózderi Qyrǵyzstan men Qytaı bolyp tabylady. Shekaradaǵy baqylaýdy kúsheıtý jáne tańbalaýdy engizý kontrafaktilik taýarlardyń kólemin aıtarlyqtaı azaıtýǵa múmkindik beredi.

Is materıaldary sot organdaryna ári qaraı qaraý úshin jiberildi.