Quralaı Nurqadilova jan jarasyn ashyq aıtatynyn jetkizdi

Belgili marqum saıasatker Zamanbek Nurqadilovtiń qyzy Quralaı Nurqadilova jelige anasymen birge ótkizgen sátterin jarııalap, basynan ótkizgen barlyq jaǵdaıdy ashyp aıtatynyn málim etti, dep habarlady qandastar.kz

«Men bul vıdeony jasap otyryp, jylap shyqtym. Bul jeke ómirim, saıasatqa esh qatysy joq. Sizder meni túsinedi dep úmittenemin. Kózge tereń úńilseńizder, kóp nárse aıtylyp tur.

Vıdeodaǵy keı dúnıelerdi eń jaqyn adamdarym da bilmegen, tańǵalatyn shyǵar. Bul vıdeoda bizdiń jyldar boıy qandaı azap shekkenimiz týraly aıtylady.

Keıbir jaǵdaılar shyndyqtyń tolyq ashylýyna múmkindik bermeıdi. Ishimizde tunshyǵyp jatqan shyndyq búginge deıin syrtqa shyqpady. Anam da aqıqatqa tolyq jete almaı, sol shyndyqty ishinde saqtaǵan kúıi ómirden ótti.

Anamnyń ólimi jeke ómirimiz, ıntımdi másele dep oılaǵam. Biraq olaı emes eken. Tipti onyń ólimi jaıly da alyp-qashpa sózder taraǵan.

Jaqyndarym anamdy «dúnıeden óz armandaǵanyndaı ketti» dep oılaıdy. Alaıda anam ákem ketkennen keıingi 19 jylda «onyń o dúnıede jany jaı tappady» degen ýaıymmen ómirden ótti.

Endi bári retimen. Aqyry meniń ishki jan dúnıem jarylyp, osy jyldar boıy sezinip kelgen shynaıy oılarym men jan jaramdy kórsetkim keldi… Daıyn, jyltyrap turǵan tabysty ómirdi emes, sol tabystyń ar jaǵynda ne turǵanyn ashyp aıtqym keldi!», — dedi Quralaı Nurqadilova.