Qurban aıtta demalys joq: tamyzda qazaqstandyqtar qansha kún demalady

Bıyl mereke kúnin qosqanda, tamyz aıynyń on kúni – demalys.
Senbi-jeksenbi jáne Konstıtýııa kúnin qosqanda qazaqstandyqtar tamyz aıynda on kún demalady, dep jazady sputniknews.kz.

Musylman kúntizbesi boıynsha atalyp ótetin Qurban aıttyń alǵashqy kúni demalys bolyp sanalady. Bıyl dinı meıramnyń birinshi kúni 11 tamyz, ıaǵnı jeksenbige túsip tur. Biraq ulttyq nemese memlekettik mereke bolmaǵandyqtan, demalys kúni aýystyrylmaıdy.

Al 30 tamyz – Konstıtýııa kúni. Osy jyly memlekettik mereke jumaǵa tuspa-tus kelip otyr. Tıisinshe qazaqstandyqtar bul kúni jumys istemeıdi. Ári qaraı demalys kúnderi túsip turǵandyqtan, Konstıtýııa kúninde Qazaqstan halqy qatarynan úsh kún demalady.

Osylaısha, senbi-jeksenbi jáne Konstıtýııa kúnin qosqanda, tamyz aıynyń on kúni demalys bolyp otyr. Eńbek kodeksiniń 85-baby 3-tarmaǵyna sáıkes, mereke kúnderi kezinde jumys ýaqytyn tıimdi paıdalaný maqsatynda úkimet demalys kúnderin basqa jumys kúnderine aýystyrýǵa quqyly.