Qurdastaryn uryp, kameraǵa túsirgen jasóspirimder jazalanbaq

Foto: vıdeodan skrınshot

Jasóspirimder arasyndaǵy buzaqylyqtyń taǵy bir oqıǵasy – balany kópshiliktiń kózinshe uryp-soqanymen qoımaı, kameraǵa jazyp alǵan, dep habarlady Qandastar.kz.

21 shilde kúni Almaty oblysynyń Talǵar aýdanynda úsh jasóspirim adam joq jerde balany qyzdardyń kózinshe uryp-soǵyp, bárin kameraǵa túsirip alǵan. Ol vıdeony keıin kelemejdeý úshin paıdalaný maqsatynda saqtaımyz dep oılaǵan.

Oqıǵany bastan-aıaq advokat Alena Neff óziniń Instagram paraqshasynda jarııalady. Bul jaǵdaı jazda bolǵan.

Advokattyń aıtýynsha, bul jasóspirimder buǵan deıin de osyndaı áreketter jasap, jaýapkershilikten qutylyp ketken.

Jábirlenýshi bala buryn osy toppen dos bolǵan, biraq dostarynyń kishi balalarǵa jasaıtyn áreketteri unamaǵannan keıin qarym-qatynasty úzgen.

– Birneshe apta boıy eski dostary buny túrli syltaýlarmen kezdesýge shaqyrǵan. Alaıda bala dostarymen kezdesýge asa qunttamaǵan, – dep jazdy qorǵaýshy.

Aqyrynda jetkinshekter balany qańyrap bos jatqan dalada soqqyǵa jyqqan.

«Balanyń betinde isikpen birge gematoma túrindegi jaraqattar jáne taıaqpen urǵannan qolynda jaraqattar paıda boldy. Úsheýi de osy beınejazbany túsirdi. Biz olardyń úsheýi de jaýapqa tartylady dep úmittenemiz», – dep atap ótti quqyq qorǵaýshy.

Jábirlenýshi balany ata-anasy osy vıdeodan keıin polıııaǵa júgingen.

Redakııanyń saýalyna Almaty oblysy polıııa departamentinde qasaqana jeńil dene jaraqatyn salý faktisi boıynsha qylmystyq is qozǵalǵanyn habarlady.

«Qazir tolyq ári jan-jaqty jáne obektıvti zertteý úshin barlyq qajetti tergeý is-sharalary júrgizilýde. Tergeý jalǵasyp jatyr», dep habarlady polıııa basqarmasy.