Kýrer bolyp kıingen er adam tanysynyń aqshasyn urlap ketken

Astanada polıeıler tanysynyń páterinen 1,5 mln teńgeniń múlkin urlaǵan turǵyndy ustady, dep habarlaıdy Qandastar.kz

Elordada polıeıler eki táýliktiń ishinde páter urlyǵyna qatysty isti ashty. Polıııaǵa qala turǵyny shaǵymdanyp, belgisiz bireýdiń olardyń páterine zańsyz kirip, aqsha men tórt altyn saqınany urlap ketkenin habarlaǵan. Onyń aıtýynsha, ury úı ıeleriniń jumysta bolýyn paıdalanyp, kúndiz qylmys jasaǵan. Qylmys sátinde kórshiler de, kezdeısoq kýágerler de kúdikti adamnyń páterge kirgenin baıqamaǵan. Jábirlenýshi keltirilgen jalpy zalaldy shamamen bir jarym mıllıon teńge dep baǵalady.

Saraıshyk aýdandyq krımınaldyq polıııa bóliminiń qyzmetkerleri júrgizgen jedel-izdestirý is-sharalarynyń nátıjesinde kúdiktiniń jeke basy anyqtaldy. Ol – jábirlenýshilerdiń 38 jastaǵy tanysy bolyp shyqty. Tergeý barysynda er adamnyń aldyn ala daıyndalǵany belgili boldy: ol kýrer retinde kelip, úıde eshkim joq ekenine kóz jetkizip, kilttiń kóshirmesin jasap alǵan. Keıin sonyń kómegimen páterge kirip, urlyq jasaǵan.

Qazirgi tańda atalǵan derek boıynsha qylmystyq is qozǵaldy. Tergeý nátıjesinde urlanǵan aqsha kúdikti tarapynan jeke qajettilikterine jumsalǵany anyqtaldy, al altyn áshekeıler tárkilenip, zattaı aıǵaq retinde alyndy.