جاڭالىقتار
كۇرەس ءارى قاراي جالعاسادى: ايگۇل ورىنبەك سوتقا بەرىپ اۋرەلەگەندەرگە جاۋاپ بەردى
فوتو: kyn.kz
زاڭگەر ءوز جۇمىسىن باستاعالى تالاي مارتە جولىن كەسىپ, ءوزىن سوتقا بەرىپ اۋرەلەگەندەر كوپ بولعانىن ايتادى. ول ەلگە قۇقىقتىق ساۋاتتىلىق جايلى ايتا وتىرىپ, وزىمە جالا جابىلعانىن بىلدىرمەۋگە تىرىساتىنمىن دەيدى. سەبەبى, ونسىز دا كۇمانمەن قارايتىن جۇرتتىڭ ادىلدىككە دەگەن سەنىمىنە سەلكەۋ تۇسىرمەۋ بولىپتى, دەپ جازدى qandastar.kz KYN.KZ تىلشىسىنە سىلتەمە جاسپ.
«سىبايلاسقان جەمقورلىقپەن كۇرەس جولىندا كەدەرگىلەر مەن جالا جابۋ بولادى!
جەمقورلار مەن سىبايلاسقاندار وزدەرىنىڭ قىلمىستارى اشىلماس ءۇشىن بارىنە باراتىنى بەلگىلى ەمەس پە?!
قوعام بەلسەندىسى بولعان كۇننەن باستاپ, ماعان جالا مەن قانشاما قىلمىستىق ءىس اشىلىپ, قىلمىستىڭ قۇرامى بولماعان سوڭ جابىلعان!
شىنى كەرەك باسىمنان ءوتىپ جاتقان قىلمىستىق ىستەردىڭ, سوتتاردىڭ بىردە بىرەۋىن حالىقپەن بولىسپەگەم.
ەل الدىندا جۇرگەن سوڭ, ءار اشىلعان ىسكە سورام اعىپ جىلاپ جۇرسەم, حالىقتىڭ بولاشاققا دەگەن ءۇمىتى ۇزىلەدى ەمەس پە?
مەن ءوزىمنىڭ جاساعان ءاربىر ءىس-ارەكەتىم زاڭدى ەكەنىنە نىق سەنىمدىمىن!
رەفورما بولۋ ءۇشىن ارەكەت بولۋ كەرەك, ول ارەكەتتەر كەدەرگىسىز بولمايدى.
– وسىنشاما حالىقتىڭ, مەنى قولداعانىن وقىپ قۋانىپ وتىرمىن. مەنى قولداۋعا جينالۋدىڭ قاجەتى جوق, مەن دە ءبارى جاقسى. ارقامدا مەن ءۇشىن جينالاتىن ءبىر قاۋىم ەل بارىنا كوزدەرىڭ جەتتى ما?! ماعان قاتىستى زاڭسىز ءىس-ارەكەت جاساعاندار, اياعىمنان شالعىسى كەلگەندەر, جالعان اقپارات تاراتقاندار زاڭ الدىندا جاۋاپ بەرەسىڭدەر! ءومىر-كۇرەس, كۇرەس ارقاراي جالعاسادى!», – دەپ جازدى ول.
